شو قصة البيت الأزرق يلي بيرجعكن ع الضيعة من بيروت؟

وين فيكن تعيشوا جو الضيعة وسط بيروت؟ بيت توريف هو جوهرة تقليدية بالجميزة، وبيجمع بين الضيافة اللبنانية التقليدية والأجواء الريفية الدافية. هيدا البيت الأزرق رح يجذبكن بعمارتو الإستثنائية، اللي هو بيت ضيافة ومطعم مع بعض، هو المكان المثالي لكل يلي بدن يجربوا قعدة ما بتنتسى بمكان هادي وساحر.

مع إنو موجود بقلب المدينة، بيت توريف بيمثل دفى ورواق البيوت اللبنانية القديمة، جايب معو أجواء الضيعة. بمجرد ما توصل، بتستقبلن باحة مزينة بالياسمين والورد، يلي بتخلق جو من الراحة بعيد عن عجقة المدينة، قعدة البلكونات يلي فوق بعضها ودراج بتوصل ع السما!

ومن أبرز معالم بيت توريف هي التراس يلي بيقدم إطلالة بانورامية رائعة على بيروت. هيدي السطحية مزينة بالورود والنقشات البيروتية، المكان المثالي لتسترخوا، أو تشربوا قهوة، أو تستمتعوا بمنظر مدينة بيروت بكل تاريخها وتناقضاتها الحلوة.

ومش بس هيك! إذا كنتوا من محبي الأكل اللبناني، بيت توريف عنده مطعمو اسمو “سفرة وتنور” يلي بيقدم  ترويقة لبنانية أصيلة!

ناطركن تشكيلة من الأطباق الطازة يلي بتخليكن تعيشوا النكهات اللبنانية التقليدية. من المناقيش، التنور الطازة،،لبنة، وبيض، وجبنة، وفول، وغيرو.

وكمان، بيت توريف بيسمح للزوار يشتروا مونة لبنانية أصلية. هيك فيكن تاخدوا معكن قطعة من الضيعة.

البيت فيه غرف جميلة التصميم، كل وحدة بتحتفظ بروح العمارة اللبنانية التقليدية وبنفس الوقت بتوفر كل وسائل الراحة العصرية. الديكور بسيط ورايق، مع لمسة ريفية بتخليكن تحسوا إنكن بقلب بيت الضيعة.

خبرونا، شي مرة مارقين جنب هالبيت الأزرق ببيروت؟ فيكن تابعوهن ع انستغرام هون.

شوفوا كمان، بتعرفوا إنو في مطعم شعبي ببيروت عمره 134 سنة؟