أشهر مطعم سناك بصور وصل ع الحمرا!

زاهر داينر Zaher’s Diner واحد من أكتر المطاعم المحبوبة والمشهورة بمدينة صور إجا ع بيروت، وتحديداً ع الحمرا! زاهر جايب معو كل أكلاتو الشهية ع قلب العاصمة، مشهور بالسناكات يلي ما فيكن تقاوموها. ورح يصير قريباً وجهتكن المفضلة لكل شخص بدو وجبة سريعة وبتشهي.

من أكتر الوجبات الطيبة يلي ممكن تجربوها عند زاهر هي دجاج الكرسبي. من التويستر لزينغر برغر، رح تعيشوا تجربة قرمشة مغرّقة بالصوص.

ومش بس هيك، عندن سندويشة الدجاج ع الفحم مع توم روعة، البروستد الشهي، وجبة البونلس الدسمة، وقصص كتير طيبة لكل محبي الدجاج.

وأطيب شي الجوانح، عندن ميكس من كل النكهات يلي بتناسب الكل وكمية محرزة بتشبعكن وزيادة. زاهر عطول بيعمل عروضات مميزة خصوصي للجمعات ما لازم تفوتوها!

هيدا عدا عن سندويشات الطاووق المدعومة منيح بالتوم، الفاهيتا مع الجبنة الدايبة، الأسكالوب الطيب، وهيك تشكيلة مميزة من السناكات يلي كلنا انغرمنا فيها بصور وصار عنا فرصة نجربها ببيروت. شو ناطرين؟ إعزموا أصحابكن ع أطيب وجبة ومشوا عند زاهر!

من بعد ما تضرر بشكل كبير Zaher’s Diner بالحرب، الفرع الجديد بالحمرا بيعطي شوية أمل… ما تنسوا تدعموا وأكيد ما رح تندموا! فيكن تابعوهن ع حسابن هون. بتلاقوا فرعو الجديد تحديداً جنب أوتيل كومودور، الحمرا.

للمزيد من المعلومات، تواصلوا على الرقم: 106 510 71. 

شوفوا كمان، اختراع جديد من حلويات السلطان: كرونات!