جربتوا الستيك المرطبان ولا بعد؟ هيدا المحل عم يعمل أطيب ستيك بأحلى الأسعار

إذا بعد ما جربتوا، خلونا نحكي عن محل جديد وصل ع أنطلياس وعم يقدملنا أطيب ستيك بطريقة غير شكل! L’otre Entrecôte هوي إسم المحل، وعنجد إسم على مسمى، لأن جايبلكن طبق ال entrecôte الفرنسي الشهير بطريقة بتاخد العقل.

هون فيكن تاكلوا الستيك بتلات طرق: بالصحن الكلاسيكي مع الصوص والبطاطا، بالباغيت، أو بالجرن/المرطبان! وإذا بدكن رأينا، لازم تجربوا الستيك بالجرن لأن شي جديد. بتخضوه منيح مع الصوص قبل ما تفتحوا الجرن، وبتغمسوا اللقمة الأولى… تجربة غير شكل!

وإذا ما كنتوا من جماعة الستيك، فيكن تطلبوا الدجاج أو القريدس، بنفس الطريقة وبنفس اللذة. وكل هيدا بأسعار بتجنن، يعني أكلة فخمة بس من دون ما تحسوا إنكن عم تصرفوا كل معاشكن!

وما تنسوا الحلو! عندن نوعين ما بتلاقوهن مطرح تاني: كيك العسل و dolce de leche مع الزعفران. طعمة غنية وبتدوب بالتم!

القصة إنو صاحب المحل عندو 32 سنة خبرة، كان عايش برا، ورجع ع بلدو بعد غربة طويلة ليفتح مطعم فخم بس بأسعار مقبولة. وهيدا شي لحالو بيشجعنا ندعمو ونجرب أكلو.

غير الأكل، الأجواء بالمحل كتير مريحة، والخدمة سريعة وراقية. يعني مش بس الطعم طيب، التجربة كلها على بعضها بتكون حلوة، وبتحسوا حالكن قاعدين بمحل راقي بس بأسعار بتناسب الكل. ما في داعي تفكروا كتير، جربوا وخبرونا شو رأيكن.

العنوان: أنطلياس
الرقم: 066 646 81

ما تنسوا تخبرونا بالتعليقات إذا جربتوا وشو كان رأيكن.

شوفوا كمان، ١٠ محلات ستيك تزوروها ببيروت