شوفوا معنا مسلسلات رمضان اللبنانية والسورية لسنة 2025!

مع اقتراب رمضان، الكل ناطر يشوف شو رح يعرضوا هالسنة من مسلسلات رمضان اللبنانية والسورية. المنافسة حامية، والأسامي الكبيرة راجعة بقوة. السنة في تنوع كبير بين الدراما، الأكشن، الكوميديا، وحتى القصص الإجتماعية والبوليسية.

مطبخ المدينة

دراما اجتماعية سورية من إخراج رشا شربتجي، بتحكي قصة عيلة بتدير مطعم وسط تحديات يومية. بطولة سلافة معمار، عباس النوري، وعبد المنعم عمايري. تم تأجيل هالمسلسل لأجل غير مسمى.

تحت سابع أرض

مسلسل سوري بطولة تيم حسن وكاريس بشار، إخراج سامر البرقاوي وتأليف عمر أبو سعدة. بيحكي عن التزوير والاتجار بالممنوعات بأجواء درامية مشوقة، مع منى واصف ومحمد حداقي.

العهد

من إنتاج شركة “قبنض”، بينقلنا هالمسلسل السوري لصراعات بالحارات الدمشقية. بطولة رنا شميس وصالح الحايك، وإخراج محمد زهير رجب.

سيروم

دراما بوليسية سورية من تأليف سعيد حناوي وإخراج تامر إسحاق. بتحكي عن جريمة قتل بتقلب حياة عيلة. بطولة سلوم حداد، باسم ياخور، وشكران مرتجى.

البطل

بسام كوسا ومحمود نصر بيجتمعوا بمسلسل سوري جديد بيحكي عن قضايا الهوية السورية، بإدارة المخرج الليث حجو.

ما اختلفنا 2

الجزء التاني من الكوميديا الناقدة، بطولة باسم ياخور وسامية الجزائري، ومعهن النجمة السورية نور علي.

حبق

كاريس بشار بتطل مرة جديدة بمسلسل بيحكي عن تحديات الحياة بدمشق، تأليف بلال شحادات وإخراج باسم السلكا، ومعها مهيار خضور، سلوم حداد، ونظلي الرواس.

بالدم

ماغي بو غصن راجعة بعمل لبناني جديد من كتابة نادين جابر وإخراج فيليب أسمر، ومن إنتاج زوجها جمال سنان.

نفس

عمل بيجمع عابد فهد، معتصم النهار، دانييلا رحمة، وكارين رزق الله، بإخراج إيلي السمعان وتأليف إيمان سعيد.

ليالي روكسي

من مسلسلات رمضان التاريخية، بيحكي عن الانتداب الفرنسي بسوريا، إخراج محمد عبد العزيز، وبطولة أيمن زيدان وسلاف فواخرجي.

نسمات أيلول

تعاون أول بين رشا شربتجي وشقيقها يزن شربتجي، بيحكي عن حياة قرية بريف حمص. بطولة صباح الجزائري ومحمد حداقي.

السبع

فانتازيا شامية بلمسة درامية مأساوية، بطولة أمل عرفة وباسم ياخور، ومن إخراج فادي سليم.

هيدا الموسم الرمضاني بيحمل مفاجآت كتير.. أي مسلسل ناطرينو أكتر شي؟

شوفوا كمان، مسلسل جديد لدانييلا رحمة برمضان 2025… التفاصيل هون!