شو جديد؟ مطعم إيطالي وبيتزا بتشهي بكفرحيم!

لقينالكن قطعة من إيطاليا بقلب الشوف! بيتزا مينا Pizza Mina مطعم جديد فتح بمنطقة كفرحيم، جايب معو طعم إيطالي أصيل وأجواء بيتوتية حلوة.

هالمطعم صار بسرعة وجهة مفضلة للناس بالمنطقة، لأنو بيحسسكن وكأنكن عم تاكلوا ببيت حدا من أصحابكن. من أول ما تدخلوا، بتشموا ريحة البيتزا الطازة اللي عم تنخبز قدامكن. صاحب المحل شيف شغوف بشغلو، بيعمل كل بيتزا بكل حب وبأجود المكونات.

إذا كنتوا بتحبوا المارغريتا الكلاسيكية، أو البيستو الكريمي، أو الديافولا مع الببروني، كل نوع بيتزا رح يعجبكن عندن. العجينة خفيفة، طرية، مقرمشة، وطعمها بشهي!

وإذا بتحبوا طعم الجبنة القوي، جربوا غورغونزولا بيتزا مع الموزاريلا والبارميزان، أو بيتزا الدجاج بالصوص البيضا والفطر.

المحل بسيط وقعدتو لطيفة، بتحسوا حالكن وكأنكن بمكان صغير بإيطاليا. إذا كنتوا حابين تجربوا بيتزا إيطالية أصيلة مع جو مضوم، هالمطعم الجديد بالشوف لازم تميلوا لعندو! بتلاقوا بيتزا مينا Pizza Mina ع الطريق العام بعقلين – كفرحيم. بيفتح من الاتنين للسبت، من الساعة 2 الضهر حتى الساعة 10 بالليل. 

فيكن تابعوا حسابن ع انستغرام هون، وللمزيد من المعلومات، اتصلوا على 266 372 03. 

شوفوا كمان، ٩ مطاعم بلبنان بتقدم بوفيه مفتوح بأفضل الأسعار