أحلى كوخ خشبي بعيد عن العالم بقلب طبيعة عكار!

وودين أو Woudin هو الوجهة المثالية لتهربوا من عجقة الحياة اليومية، جوهرة مخفية مخباية بمنطقة عندقت القبيات بشمال لبنان. هيدا الشاليه الخشبي بيعطي الزوار فرصة يغمروا حالن بجمال الطبيعة، محاوطين بغابات خضرا وتلال ساحرة، ببيئة هادية بتضمنلكن الراحة والسكينة.

من أهم الميزات عند وودين هو التراس الخيالي يلي بيقدم إطلالات روعة على الطبيعة الخضرا.

فيكن تستمتعوا بفنجان قهوة على التراس الصبح، تسمعوا صوت الشجر، أو حتى ترتاحوا بكاس نبيد مع غروب الشمس أو جنب الدفاية. إذا كان الطقس حلو، فيكن تقعدوا مع عيلتكن، أصحابكن، أو حبيبكن ع التراس وتنبسطوا بغدا وسط الطبيعة.

من جوا، الشاليه بيجمع الطابع الريفي والراحة. القعدة مكنكنة ومتوفر فيها كل شي بتحتاجوا. ولما تقعدوا جنب الدفاية، بتحسوا بالراحة من بعد يوم من استكشاف المنطقة. بتلاقوا ٣ شاليهات خشبية مع تصميم مفتوح ع الطبيعة الخلابة وقعدة دافية كلها كنكنة!

سواء كنتوا عم تدوروا على إجازة رومانسية، أو ملاذ هادي بعيد عن كل شي، أو حتى فرصة لتكونوا مع الطبيعة، وودين هو المكان اللي بيجمع بين جمال الطبيعة والراحة، ليصير هيدا المكان تجربة ما بتنتسى.

عيشوا أحلى عطلة عند وودين. تابعوا Woudin ع انستغرام هون. للمزيد من المعلومات، اتصلوا على الرقم 964 015 71. 

عجبكن هيدا الكوخ الخشبي بعكار؟ شوفوا كمان، منقوشة ع التنور بنص الطبيعة بعندقت عكار!