ذا فويس كيدز راجع… ومفاجآت بالجملة!

إذا كنتوا من اللي بيعشقوا أصوات الولاد اللي بتخطف القلب، جهزوا حالكن لأنو ذا فويس كيدز The Voice Kids راجع رسمياً! الخبر أكدو الصحافي إيلي مرعب، وقال إنو عم يتم الاتفاق مع 4 نجوم يكونوا بلجنة الحكم الجديدة.

البرنامج اللي كان فاتحة خير ع مواهب كتير، بلش سنة 2016 وفازت بلقبو اللبنانية لين الحايك. بعدا بسنتين، وبسبب تأجيل موسم ذا فويس للكبار، رجع بموسم تاني بنفس لجنة التحكيم، وكان اللقب هالمرة للمغربي حمزة لبيض. أما بالموسم التالت 2020، تغيرت اللجنة، طلع تامر حسني وكاظم الساهر، واجا بدالن عاصي الحلاني ومحمد حماقي، وبقيت نانسي عجرم الوحيدة من الموسم الأول، وكان اللقب من نصيب السوري محمد إسلام الرميح.

نجمات ونجوم جداد بلجنة The Voice Kids؟

واليوم، كل العيون على الموسم الجديد! مين رح يكون باللجنة؟ ومين الصوت اللي رح يسرق الأضواء هالمرة؟ الجواب قريباً، بس اللي أكيد إنو المنافسة رح تكون غير شكل والمواهب رح تبهرنا متل كل مرة!

إنتو مين بتتمنوا تشوفوا بلجنة تحكيم ذا فويس كيدز؟

شوفوا كمان، بعد ما خطفت الأنظار… بنت نانسي عجرم لملكة جمال لبنان؟