بس للعزابية! ليلة سوشي وفرصة لتلاقوا الحب هون

انسوا خبرية المواعيد الغرامية المحرجة —هالموسم ع الفالنتاين، SushiCez عم يستضيف أحلى ليلة للعزابية والهدف منها تتتعرفوا ع ناس جديدة وتاكلوا سوشي طيب.

ب10 شباط، الشيف سيزار الخوري، المبدع ورا سوشي سيز، عم يقدم تجربة سوشي حصرية لكل حدن سينغل. في بس 6 لـ8 أماكن متوفرة، هيدي فرصتكن تتعرفوا على ناس بيحبوا الأكل متلكن وتعيشوا مغامرة رومانسية حلوة – لأن ما في شي بجمع الناس أكتر من الأكل الطيب.

كيف بتصير الخبرية؟

بتجوا لحالكن ع الموعد! بتكونوا إنتوا مع مجموعة من العزابية التانيين، وطاولة مليانة بمكونات السوشي الطازة. وهون سيزار بعلمكن فن تحضير السوشي… ضحك، صويا، وتحديات الوسابي!

طيب، والأجواء؟

هالليلة معمولة لتكون رايقة، تفاعلية، وأهم شي، ممتعة. رح تتشاركوا القصص، وتجربوا مهاراتكن بصنع السوشي، وما بتعرفوا ممكن تنقش معكن وتتعرفوا ع حدن يعجبكن.

ليش لازم تروحوا؟

سوشي طيب، أحاديث ممتعة، بتتعلموا كم شغلة عن السوشي وما بتعرفوا ممكن تلاقوا الحب من أول نظرة!

إنتو سينغل؟ إذا حابين تجربوا سوشي mix-and-match، ابعتوا رسالة لـ @SushiCez لتفاصيل أكتر—الحب مش ع المنيو، بس مين قال إنو ما يكون المفاجأة؟ 🍣❤️

شوفوا كمان، ٥٠+ مطرح رومانسي لأجمل ليلة ع الفالنتاين بلبنان