أهضم أفكار هدايا عيد الحب بتلاقوها بلبنان

بلشتوا تبرموا ع هدايا الفالنتاين؟ إذا عم تفتشوا عن هدايا لعيد الحب تخلي حبيبكن مبسوط، هيدي أهضم أفكار هدايا عيد الحب بتلاقوها بلبنان.

1. بوكس بريد مليانة رسائل حب من Act Is Here

هالبوكس الزهر مليان رسائل حب، وطريقة حلوة ولطيفة لتعبروا عن مشاعركن – بتزبط كتير لعيد الحب أو لأي لحظة خاصة.

2. خواتم ع شكل بصمتكن وبصمة حبيبكن من The Lydd

هالخواتم طريقة معبرة لتحملوا قطعة من بعضكن وين ما رحتوا.

3. لعبة لوڤوبولي من Plan Outer لتخططوا سهرتكن الجاية

Lovopoly هو الطريقة المثالية لتخططوا لسهرة رومانسية. مع بوكسات زغار بتعطيكن أفكار للأكل، أمكنة تزوروها، ونشاطات ممتعة، هي لعبة بتقوي علاقتكن مع الحبيب.

4. كوكيز لعيد الحب من إنغريد

خيار طيب ومهضوم لتعبروا عن حبكن للشريك، وفيكن تكتبوا عليهن حكي معبّر أو إشيا مهضومة.

5. أهضم دفتر تلوين من btdt

ممكن عبالكن موعد غرامي مكنكن بالبيت وعم تفتشوا ع نشاط مهضوم تستمتعوا فيه مع حبيبكن. لازم تجربوا هالهدية الحلوة!

6. هدايا تذكارية لطيفة لعيد الحب من ذا ديزاين لاب

بتحبوا الهدايا الكلاسيكية أو الكليشه؟ الـ Design Lab مش بس عندن كتير شغلات فيكن تختار منها، كمان فيكن تصمموا شي ع ذوقكن!

7. طقم كلسات بتصميم قلوب من Sako

لكل كوبل عبالن ينسقوا كلسات مع بعض وبأهضم طريقة.

8. باقة ورد وصندوق شوكولا من Flower Bean & Co.

ما في أحلى من علبة مليانة ورد وشوكولا. اختاروا الورد يلي بتحبوا ودلعوا حبيبكن بشوكولا فاخرة.

9. كيك حلوة مع رسالة مخباية من PRALINÉ

هالكيك مخباية مفاجأة حلوة! شيلوا الطبقة اللي فوق لتكشفوا رسالة مخباية – سواء كانت كلمة “بحبك” أو شي شخصي أكتر.

شوفوا كمان، ٥٠+ مطرح رومانسي لأجمل ليلة ع الفالنتاين بلبنان