شو رأيكن بعشا رومانسي بقلب بالونات طايرة بلبنان؟

عم تتخايلوا حالكن قاعدين بقلب بالون، السما فوقكن، الجبال تحتكن، وإنتو وحبيبكن عالعشا؟ مش فيلم، هيدي حقيقة، وصار فيكن تعيشوا هالتجربة عند Palloni by La Funivia بلبنان! إذا بعدكن محتارين شو تعملوا على فالنتاين، لقينالكن المفاجأة لي ما رح تنتسى.

Palloni by La Funivia – مطعم من غير عالم!

بتحبوا الرومانسية، المناظر الخرافية، والأجواء لي بتطير العقل؟ محلكن صار معروف! بـ ضبيه، مطعم Palloni by La Funivia ناطركن بقعدة ما بتشبه شي تاني. المصابيح مضواية، الأكل طيب، الموسيقى رومانسية، والجو ساحر كأنكن بحلم مش بعلم. بتحسوا حالكن عنجد طايرين بالسما، وعيونكن عالغروب، كلو وإنتو قاعدين بقلب بالون طاير بالجو، متل الأفلام!

حجزوا طاولتكن قبل بوقت لتلاقوا محل وقت فالنتين وتأكدوا إنكن تحجزوا بوقت مغيب الشمس كرمال تشوفوا أكتر مشهد ساحر رح تشوفوا بحياتكن. وصدقوا الصور لي رح تاخدوهن رح تذذكروهن كل حياتكن.

ما تنسوا تجيبوا باقة ورد، لأن الأجواء رومانسية عالآخر! تخايلوا المنظر، السما بتتلون بألوان الغروب، وإنتو مع الشخص اللي بتحبوه، عم تتناولوا أطيب عشا، والبالون عم ياخدكن بعيد عن عجقة الحياة. هيدي تجربة بتستاهل كل قرش بتدفعوه، ورح تضل محفورة بذاكرتكن على طول.

تجربة بتطير العقل!

مش بس الأجواء بتجنن، الأكل كمان بيشهي! قائمة الطعام مليانة أطباق لذيذة، من المقبلات للمالح والحلو. وما في ألذ من كاس النبيد اللي رح تشربو وإنتو طايرين بالسما! هيدي تجربة ما بتنتسى، ورح تحكوا عنها لكل رفقاتكن.

العنوان: ضبيه
الرقم: 171 807 71

شو ناطرين؟ لحقوا حالكن واحجزوا هالتجربة الخيالية!

شوفوا كمان، ٥٠+ مطرح رومانسي لأجمل ليلة ع الفالنتاين بلبنان