مفاجأة مهرجانات الأرز الدولية: ليلة من العمر مع وائل كفوري!

وأخيراً، رجعنا نسمع أخبار بتفرح القلب عن مهرجانات الصيف بلبنان، والمفاجأة السنة رح تكون نارية! اشتقنا نرجع نشوف وائل كفوري عم يحيى مهرجانات صيفية! خصوصي إنو بالسنين الأخيرة كان عم يحيي حفلة وحدة فقط لا غير بالصيفية بالفوروم.

لكن هالسنة وبسبب الوضع لي عم بعيشوا بلبنان والتفائل لي غمر البلد والناس، قرر وائل يحيي الليلة التانية من مهرجانات الأرز. وبهالأجواء الإيجابية يلي عمت البلد، أعلن إنو رح يكون نجم الليلة التانية من مهرجانات الأرز بـ 26 تموز 2025.

الإعلان الرسمي إجا من النائبة ستريدا جعجع، يلي أكدت توقيع العقد مع “النجم اللبناني العالمي” وائل كفوري. ووعدت الجمهور بسهرة من العمر، مع أجمل الأغاني والأجواء الحماسية يلي كلنا منحبها.

أما الليلة الأولى فرح تكون على مستوى عالمي مع فرقة “ميّاس” يلي رح تقدم عرض ساحر بيفتتح المهرجان بأجمل اللوحات الراقصة يلي خلت العالم كلو يحكي عنن. فبـ 25 تموز، لبنان على موعد مع إبداع راقص. وبـ 26 تموز، الأجواء رح تكون ولعانة مع ملك الإحساس والرومانسية وائل كفوري يلي رح يطرب السهرة بأجمل أغانيه.

التذاكر رح تتوفر بكل فروع Ticketing Box Office أو عبر موقعن ابتداءً من 3 شباط 2025، فحضروا حالكن لأنو أكيد رح تنباع بسرعة! وبعد في أسابيع قليلة لنكتشف باقي مفاجآت البرنامج، بس على الأكيد إنو مهرجانات الأرز هالسنة ما بتتفوت، وأجواءها رح تكون من العمر!

وائل عودنا على حفلة وحدة بالصيفية… معقول هيدي تكون حفلتو الوحيدة؟

شوفوا كمان، حزروا شو؟ مهرجانات الأرز الدولية راجعة هالصيفية!