محل جديد عم بيعمل قهوة تركية على الرمل بلبنان

إذا كنتوا من عشاق القهوة، حضروا حالكن لتجربة غير شكل! اللبناني بيحب عطول يجرب إشيا جديدة، وخاصة لما يكون الموضوع عن قهوة! فإذا كنتوا من عشاق القهوة التركية، صار لازم تزوروا Kahve and More، المحل الجديد بطرابلس يلي عم يقدملكن القهوة على الرمل، بأسلوب تقليدي وطعمة غير شكل.

قهوة تركية على الرمل!

القعدة عندن بتاخد العقل، ديكور عصري بلمسة شرقية، وكل فنجان قهوة عندن إلو قصة. القهوة بتتحضر على الرمل على مهل، لتعطيها النكهة الغنية يلي بتخلي أول شفة غير عن أي تجربة تانية.

هالمحل مش بس كافيه، هوي مكان فيه روح وأجواء بتخليكن تحبوا كل لحظة في. القعدة عصرية ومريحة، وكل فنجان قهوة إلو قصة. إذا كنتوا جوعانين، عندن سندويشات وسلطات بيجهزوها فريش، غير الحلويات والكيكات اللي بتكمل المزاج.

زاوية للاسترخاء… وزاوية للشغل

الطابق التاني مخصص للدراسة والشغل، إذا كنتوا بحاجة لجو رايق ومنتج. وإذا كنتوا مزاجكن شاي بدال القهوة، عندن خلطات بتدفي القلب وأجواء دافية بتخليكن تحسوا حالكن بالبيت. وما تنسوا الفروزن يوغرت الشهية يلي فيكن تضيفوا عليها التوبينغز اللي بتحبوها!

وين بتلاقوهن؟

المحل موجود بطرابلس، شارع الكوندور، قريب من مطعم بيتنا إكسبرس. بس ما تنسوا تجربة المرجوحة يلي بتزيد عالأجواء جمال!

العنوان: طرابلس، شارع الكوندور، جنب بيتنا إكسبرس
الرقم: 498 673 71

شوفوا كمان، ١٠ كافيهات ببيروت خرج ضهرة رومانسية مع الحبيب