هيفا وهبي ونور عريضة بيواجهوا التحرش ع الإنترنت بفيديو جريء

النجمة اللبنانية هيفا وهبي، مع عارضة الأزياء وناشطة حقوق المرأة نور عريضة، تعاونوا مع بعض بحملة للإضاءة على قضية التحرش الإلكتروني يلي بتتعرضلو النساء على إنترنت.

بهيدا الفيديو المؤثر والجريء، بيشاركونا تعليقات و رسائل مسيئة وصلتلن على حساباتن، و بيكشفوا عن الوجه المظلم للسوشيال ميديا. من خلال التعبير عن رأين الصريح والقوي، هدفن زيادة الوعي والدفع نحو تعزيز الحماية ضد الإساءة والتحرش عبر إنترنت.

فيكن تحضروا الفيديو الكامل هون:

هيفا ونور بيقروا بالتناوب تعليقات مزعجة وحتى جنسية فاضحة تحت بوستاتن على سوشيال ميديا، و بيعرضوها ع الشاشة. هيفا بتقرا تعليق بيقول: “بيلبسوا هيك قدام الناس وبعدين بيدعوا إنو التحرش والاغتصاب هنّي جرايم؟ مش تصرفاتن المثيرة هني الجريمة الحقيقية؟”

بتكمّل وتقول: “هني دايمًا رح يلاقو طريقة ليهينو جسد المرأة،” وبعدين ببلشوا يقراوا مجموعة رسائل مقرفة، بتسميها عريضة نوع من “اغتصاب أونلاين”.

تحت حملة #التحرش_مش_افتراضي، عم ينادوا السيدتين بحماية أفضل ضد الإساءة عبر الإنترنت، وبيشدّدوا على ضرورة وجود قوانين بتحاسب الأفراد. بيأكدوا إنو بالرغم من إنو التحرش عبر الإنترنت بيصير عالشاشة، بس عندو تأثيرات عاطفية ونفسية حقيقية. هيدا السلوك، إذا ما تداركناه، بيقدي لنشره وتطبيعه بالواقع.

رسالتن بسيطة وقوية: المضايقات والتحرش على الإنترنت مش بس مشكلة افتراضية—هي مشكلة جديّة بتأثر على ناس حقيقيين.

شوفوا كمان، قصة مذكرة التوقيف بحق أسطورة كرة السلة اللبنانية فادي الخطيب