على موتوسيكل أزرق، شاب بيدعم محلات الضاحية بأهضم طريقة!

أسامة قبلان شاب لبناني من الضاحية الجنوبية  اشتهر لأهضم سبب ع السوشيال ميديا! 

أسامة ببلش فيديوهاتو بعبارة “هنا الضاحية مشوا نتغدى!”، وبطلعكن معو ع موتوسيكل أزرق وبيبرم فيكن الضاحية لحد ما توصلو ع وجهته.

 أغلب الأوقات، أسامة بياخد المتابعين ع مطاعم ومحلات محبوبة بالمنطقة، بعرّفكن عليها، بجرّبها، وبيدعمها! وبطريقو بعرّفكن ع ناس الضاحية وروحن الحلوة يلي بتحب الحياة. 

عبارة “مرقوني” وهضامتو لأسامة دخلت ع قلوب الناس! اليوم عندو أكتر من ٢٥٠ ألف متابع، وفيديوهات كلها هضامة وصلت لملايين المشاهدات! فيكن تشوفوها ع حسابو هون. 

شوفوا كمان، ١١ مطعم فتح وراجع ع قلب الضاحية!