هيدا المحل عم يعمل أطيب سندويشات بحرية بنص بيروت!

إذا كنتوا من عشاق السمك والقريدس ومشتقاتو، عنا خبرية حلوة إلكن! هيدا المحل فاتح بنص بيروت وعم بيعمل أطيب سندويشات بحرية رح تادمنوا عليها.

ما بدها روحة ع صيدا، صور، أو البترون لتدوقوا أكلات السمك. Le Samaka جايبلكن البحر لعندكن، على نص بيروت، مع طعمات لبنانية بحرية طازة مش متل أي محل تاني.

عندن سندويش سمكة حرة على الطريقة الطرابلسية، مليانة نكهة وتتبيلة بتاخد العقل، مع خسة طازة، بندورة، توم، بطاطا، وكبيس، وكل شي ملفوف بخبز محمص ع الصخانة. غير هيك، فيكن تدوقوا سندويش فاهيتا قريدس، أو فيليه مع صوص التارتار، الكراب، السردين، وحتى سندويش بزرة إذا عبالكن شي بقرمش.

من سندويش السمكة الحرة لفاهيتا القريدس، الطعمة غير شكل!

مش بس سندوشات بحرية!

غير السندويشات، عندن أطباق سمك طازة معمولة مع كزبرة، حامض، وتوم. وطبعاً مازة لبنانية أصيلة بترافق السمك: من تبولة، لفت، للمكدوس، وكل شي بيكمل الأجواء.

السر بالأكل الطازة والنكهات القوية، كل سندويش وكل صحن معمول بتفاصيل زغيرة بتفرق، من التتبيلة المميزة للخبز المحمص. عند Le Samaka، كل لقمة فيها نكهة بتطير العقل.

إذا عبالكن أكلة سمك غير شكل وسندويشات بحرية بتضل ع بالكن، ما إلكن إلا تزوروا Le Samaka وتدوقوا بنفسكن!

العنوان: كورنيش المزرعة نزلة محمصة الرفاعي بإتجاه الكولا أول مفرق عالشمال
الرقم: 434 742 76

شوفوا كمان، كافيه بانا: مطعم جديد ولا أهضم بالحمرا!