بيت ضيافة تراثي بإطلالة خيالية ع سيدة حريصا

ع تلال حريصا الساحرة، بتلاقوا بيت ضيافة لبناني عمرو أكتر من 200 سنة، بيجمع بين الفخامة والتاريخ. La Grande Maison Harissa عبارة عن جوهرة مطلة على مزار سيدة حريصا وخليج جونية، والمشهد وقت الغروب بيخطف الأنفاس وبيضفي سحر خاص ع كل لحظة.

من أول ما بتدخلوا، بتحسوا بالدفا والتراث اللبناني بكل زاوية. الأثاث العتيق، الحيطان الحجر، والشبابيك المقنطرة بتخلّيكن تحسوا وكأنكن داخلين ع بيت لبناني تقليدي، بس مع جو من الراحة والرفاهية وحتى لقطات من الفن المعاصر. الغرف نضيفة، هادية ،ومرتبة، وكل تفاصيلها بتذكركن بأيام زمان وبتحسّسكن بالسكينة.

بالشتا، هون الجو بيصير أكتر من رائع، بتقعدوا جنب الشاميني و بتكنكنوا مع الناس يلي بتحبوهن. فيكن تقعدوا قدام النار، تشربوا شاي سخن أو نبيد لبناني، وتستمتعوا بهدوء المكان وصوت الحطب. هالجو الدافي بيخلي كل لحظة هالشتوية ساحرة وحلوة.

عندكن 8 غرف تختاروا منها، وكل غرفة أحلى من التانية. والأسعار بتبلش من 100$! أما الترويقة فحكاية تانية! بتبلشوا نهاركن بترويقة لبنانية غير شكل بقلب الجنينة إذا كان الجو حلو أو جنب الدفاية إذا كان بارد. المنقوشة الطازة، اللبنة، المربى البيتوتي، والشاي السخن كلن ناطريكن ليبلش نهاركن بأحلى طريقة.

وما فيكم تروحوا من دون ما تزوروا القبو القديم، يلي عمره 200 سنة، وتحسوا بروح الماضي الحلو. فيكن تكتشفوا تاريخ المكان أو تستمتعوا بتجربة أصيلة.

كل لحظة عند La Grande Maison Harissa بتخليكن تحسوا وكأنكن جزء من هالتراث الحلو، ما تنسوا تابعوهن ع انستغرام هون. وللمزيد من المعلومات، التواصل ع الرقم 738 400 76.

 شوفوا كمان، ٧ من أروع مطاعم حريصا بمناظر خلابة