الشاورما اللبنانية بالمرتبة الأولى ع قائمة أفضل سندويشة بالعالم 

اليوم جبنالكن خبرية حلوة وبيفتخر فيها كل اللبنانية! الشاورما اللبنانية حصلت ع المرتبة الأولى عالمياً ع قائمة أفضل سندويشة بالعالم حسب تقييم Tastleatlas!

مبسوطين إنه الشاورما اللبنانية تصدرت القائمة بعد ما كان بالمركز التالت السنة الماضية. السنة الماضية، السندويشات الأوائل كانوا البان مي الفيتنامي، ومن بعده الدونر التركي، بس هلق، الشاورما اللبنانية خطفت الأضواء.

وما في أقرب من الشاورما ع قلب اللبناني! وأبداً مش مستغربين انو طعمة الشاورما اللبنانية دوخت حتى حكّام وخبراء التذوق عند Taste Atlas، وع فكرة هني بيقيّموا الأكل بمعايير عالية جداً ومن بين آلاف الأكلات الإستثنائية التقليدية من كل أرجاء العالم. 

هيدي هي تصنيفات السنة الماضية:

التوم كمان احتل المرتبة الأولى كأفضل صوص بالعالم السنة الماضية، بينما الفتوش حصل على المركز الثامن على لائحة أفضل السلطات. نحنا مبسوطين نشوف المطبخ اللبناني عم ياخد التقدير اللي بيستاهلو!

تأكدوا تفوتوا عَ قسم #شاورما عَ موقعنا لتشوفوا وين تدوقوا أطيب شاورما بلنان!