أطيب ترويقة مع أجمل فيو ع خليج جونية هون

وين بتلاقوا أطيب ترويقة مع منظر بياخد العقل؟ أكيد ب Téléférique Food Court بجونية! إذا عبالكن نهار حلو، بلشوا مشواركن من حريصا، طلعوا التلفريك وخدو أحلى صور فوق الغيوم. بعدين، نزلوا ع المطعم يلي بيجمع بين الأكل الطيب والمنظر الخيالي.

أطيب ترويقة، قهوة، ومنظر بياخد العقل بجونية

هون بتبلش الترويقة اللبنانية ع أصولها. مناقيش ع الصاج، صحن خضرا ولبنة، شنكليش وحلوم مشوي، وحتى الزيتون البلدي. وإذا بعدكن ما شبعتوا، عندن كل أصناف المازة اللبنانية يلي بتحلموا فيها.

والولاد؟ أكيد إلن حصة! المطعم مجهز بمنطقة ألعاب بتسليهن، يعني ما رح يعذبوا حدا وبيضلوا مبسوطين كل الوقت.

بعد هالترويقة الطيبة، بيجي دور فنجان القهوة مع المنظر. تخيلوا حالكن قاعدين وعم تتأملوا خليج جونية قدامكن. وإذا بردانين؟ ما في أطيب من فنجان نعنع أو زهورات يدفّي القلب.

ما في أحلى من هيك قعدة، خصوصي وقت الغروب. الشمس بتختفي ورا البحر، وبتترك لوحة فنية قدامكن.

عنجد، هيدا المكان المثالي لتعيشوا أحلى اللحظات مع عيلتكن وتتركوا ذكريات ما بتنتسى.

العنوان: حريصا، جونية
الرقم: 03 350 567

شوفوا كمان، منقوشة ع التنور بنص الطبيعة بعندقت عكار!