مانو: محل الشاورما المفضل عندكن وصل من برج حمود على خلدة

حزروا شو؟ خبرية حلوة كتير لمحبي الشاورما! من بعد نجاح كاسح ببرج حمود، توسع مطعم شاورما مانو وفتح فرع بطير العقل بخلدة.

مانو فتح فرعو الأول ببرج حمود وكسر الأرض فكانت العالم توقف بالصف لحتى يجربوا الشاورما المغطسة بالتوم واليوم قرر يفتح فرعو التاني بخلدة وبإسم جديد وحلة جديدة.

إذا عبالكن أطيب شاورما بالسجق أو اللحمة أو الدجاج، “بارون شانت” هو المكان المناسب. هالمطعم الجديد بخلدة مش بس بيقدم أطيب الشاورما، بل القعدة في واسعة ومريحة مع ديكور باللون الأحمر، وما تعتلوا هم الصّفات، لأن في محل للسيارات ومكان لولادكن يلعبوا في ويتسلوا!

شو عندن؟

من المقبلات اللبنانية والأرمنية الشهية، للمشاوي والشاورما اللي بتدوب بالتم. فيكن تجربوا كمان اللحمة بعجين الأرمنية غير شكل، والترويقة عندن قصة تانية: مناقيش على أصولها! وإذا حبيتوا تعملوا سندوشاتكن بالبيت، كمان فيكن تشتروا اللحمة النية من عندن جاهزة.

بارون شانت غير مفهوم الشاورما كلياً!

عندن اختراعات بتجنن: فتة شاورما ما بتشبعوا منا، بيتزا بشاورما بتاخد العقل، سلطة بسترمة، مقانق بالكرز، وحتى برغر بالسجق وصوصات ولا أطيب. كل مرة بتزوروا المطعم رح تلاقوا شي جديد تجربوا.

“بارون شانت” صار عنوان الشاورما اللي بتحبوها. وما تنسوا، الشاورما بتتقدم بقلب خبز مرقوق طازة أو خبز عادي. إذا ما جربتوا هالمحل بعد، عن جد عم بتروحوا عليكن!

العنوان: خلدة
الرقم: 804 807 05

شوفوا كمان، محل جديد عم يقدم الشاورما بطريقة ما بتخطر عالبال!