منقوشة ع التنور بنص الطبيعة بعندقت عكار!

ما في أطيب من ريحة المناقيش يلي بتطلع من التنور، خصوصي لما تكون محضّرة على الطريقة التقليدية بضيعة متل عندقت عكار. هالضيعة الواقعة بين أحضان الطبيعة بتاخدكن برحلة زمنية لورا، ع البساطة والجمال بشمال لبنان. خلونا نعرفكن ع جوهرة تراثية هونيك: تنور أبو خنجر. 

أول ما بتوصلوا ع عندق، بتفهموا ليش الكل بيحكي عن سحرها. الطبيعة هون بتجمع بين الجبال الخضرا والوديان العميقة يلي بتعكس جمالها. والهوا النقي بيعطيكن طاقة إيجابية ما بتلاقوها بمكان تاني.

ومن فوق هالطبيعة الخلابة، بتلاقوا تنور أبو خنجر المشهور بالضيعة انو بيعمل منقوشة ع التنور. العجينة الطرية، مدهونة بالزعتر البلدي وزيت الزيتون يلي انعمل على الأصول. بتحس كل لقمة بتحكي عن تراثنا الحلو. فيكن تجربوها ع زعتر، جبنة، كشك، ونكهات تراثية تانية، عدا عن ترويقة اللبنة والبيض والمكدوس يلي كلنا منحبها. 

الزيارة عند تنور أبو خنجر هي تجربة بحد ذاتها. العجينة المعمولة بكل حب وبساطة، ريحة المنقوشة من التنور طازة، ومع كل منقوشة عم تطلع، شي بياخد العقل! بتعيشوا عندن جزء من روح الحياة اليومية بالضيعة.

والأجمل إنكن لما تاكلوا المنقوشة مع كباية شاي سخنة، بتتأملوا المنظر يلي قدامكن. الجبال الخضرة والطبيعة بالشمال كأنها لوحة فنية.

هيدي القعدة بعندقت مع منقوشة ع التنور وسط الطبيعة عنجد بتسوى الدني!  هالمكان بيخلّي قلبكن وعقلكن يرتاحوا، ومنقوشة بتذكرّكن إنو ما في أحلى من البساطة.

ما تنسوا تابعوهن ع انستغرام هون. لمزيد من المعلومات، اتصلوا على 111 184 76. 

شوفوا كمان، أجمل ٩ كافيهات مع جنينة بقلب بيروت.