محل جديد عم يقدم الشاورما بطريقة ما بتخطر عالبال!

إذا كنتوا من عشاق الشاورما وبتحبوا تكتشفوا شي جديد ومميز، صار لازم تزوروا Ciaowarma بالجميزة! هيدا المحل عم بغير مفهوم الشاورما ويقدمها بطريقة ما بتخطر عالبال.

شاورما على الفحم… مش غاز!

أول شغلة بتميز Ciaowarma هيي إنو الشاورما عندن مشوية على الفحم بدل الغاز. الفرق واضح بالطعمة والريحة، وبيخلّي كل سندويش شاورما تكون طازة وصحية أكتر. ولكل شخص بيطلب، عندو سيخ خاص في، يعني الشاورما عم تنشوى وبتتاكل على الحارك، بدون ما يكون فيها خطر السالمونيلا المعرضة للبكتيريا.

ديكور مهضوم وتجربة غير شكل

لون المحل الأحمر بيشدكن من أول ما تفوتوا، والديكور مميز لدرجة ممكن يكون أحلى محل شاورما بلبنان. التجربة عندن ما بتوقف هون، لأن كل زبون بيطلب شاورما على ذوقو من خلال لوح، وكأنكن عم تركبو سندويشتكن بنفسكن!

إذا مفكرين إنو الشاورما عندن بس بالخبز العادي، فكروا مرتين. عندن كمان فيكن تلفوا الشاورما بورقة خس أو تاكلوها ببول، شي ما بتلاقوا وين ما كان، ولا أطيب من هيك إذا عاملين رجيم. وفوق هيدا وكلو، عندن شاورما فرايز يلي بتتميز بمزيج الطعمات المميزة!

فيكن تاخدوها بالخبز العادي أو الخبز المرقوق، الخيارات عندن بتناسب كل الأذواق. وللناس يلي بتحب تسهر، المحل بيفتح للصبح بالويك-أند، ليصير محطة أساسية لكل حدا سهران عبالو شي طيب بعد ليلة طويلة.

تشاورما Ciaowarma مش مجرد محل شاورما، هوي تجربة جديدة بالطعمة والجودة، ووجهة لكل حدا بيحب يجرب شي مختلف وما بينتسى.

العنوان: الجميزة، الأشرفية
الرقم: 379 397 03

شوفوا كمان، ٧ محلات فيكن تغطسوا فيهن الكروسان بالقهوة بلبنان.