مين هي سحر بعاصيري، زوجة رئيس الوزراء الجديد؟

شو منعرف عن سحر بعاصيري، زوجة رئيس الوزراء الجديد نواف سلام؟  صحافية، كاتبة، ودبلوماسية استثنائية، سحر بعاصيري منا غريبة عن الأضواء. رح نخبركن كل شي لازم تعرفوا عنا: متل ما بقول المتل اللبناني الشهير “وراء كل رجل عظيم امرأة”، سحر هي هيدي المرأة.

المسار التعليمي

تخرجت بعاصيري من الجامعة الأميركية ببيروت وحملت شهادة بالعلوم السياسية، وكملت دراستها لتحصل على ماجستير بالصحافة من جامعة كولومبيا.

الإنجازات المهنية

بين 1981 و2009، كانت سحر شخصية بارزة بجريدة النهار، واستلمت منصب محررة الشؤون الخارجية وكاتبة. واشتغلت كمان مراسلة لوكالة United Press International بين 1989 و1991.

من 2018 ل 2023، مثلت لبنان كسفيرة ومندوبة دايمة لليونيسكو، وبمهمتها ركزت على الحفاظ على التراث الثقافي، تعزيز دور المرأة، والدفاع عن حرية التعبير.

شريكة حقيقية

سحر بعاصيري متزوجة من نواف سلام، الدبلوماسي والسياسي اللبناني البارز. علاقتن بتمثل شراكة مبنية على الفكر والتأثير بخدمة لبنان والعالم العربي.

المؤلفات

أصدرت بعاصيري كتابين عام 2009 من دار النهار

لبنان المعلق: بناقش التحديات يلي عم بواجهها لبنان سياسيًا واجتماعيًا.
عرب التيه: ييتناول الأزمات يلي عم تعصف بالعالم العربي.

شوفوا كمان، كل شي لازم تعرفوه عن نعمت عون: السيدة الأولى المنتظرة!