بيتزا إيطالية وباستا شغل إيد بنص الضاحية! شوفوا هالمحل

بتعرفوا بتلاقوا بنص عجقة الضاحية مطعم إيطالي بياخدكن ع إيطاليا مع أطباقو الأصيلة؟ من اللحظة يلي بتدخلو فيها على مطعم زي لونا ZLuna بحارة حريك، رح يستقبلكن شيف فيصل بإبتسامة حلوة وريحة أكل بتشهي.

الشيف فصيل، بخبرتو الكبيرة وحبو للمطبخ الإيطالي، بيحضّر أطباق مليانة شغف. كل شي بيعملو بمهارة عالية، من عجينة البيتزا للباستا البيتوتية، ليضمن إنكن تعيشوا تجربة أكل ما بتنتسى!

ما رح تلاقوا بيتزا ع الحطب بالضاحية متل يلي بيعملها الشيف فيصل. العجينة معمولة ع طريقة نابولي ومرتاحة لتطلع خفيفة ومقرمشة، وعليها جبنة بوراتا، صوص بندورة طازة، وخلطة أعشاب إيطالية.

 وإذا كنتوا عبالكن تجربوا البيتزا المطوية، جربوا كالزوني بيتزا المحشية بخلطة روعة من الجبنة، البيستو يلي الشيف فيصل محضرو، وخضرة.

لعشاق الباستا، هالمطعم بيقدم نيوكي بطريقة ما بتلاقوها غير هون، بقلب خبزة مقرمشة وطازة، مع صوص البندورة وفيكن تجربوها مع بيستو وجبنة وقصص طيبة. بتلاقوا عندن مختلف أنواع الباستا والأطباق الإيطالية، رافيولي، ريزوتو، وغيرو.  

وما فيكن ما تختموها عند الشيف فيصل إلا بالتيراميسو الطيبة، وبيعملها مع هوت شوكلت بالشتوية!

إذا كنتوا عبالكن طعم حقيقي بياخدكن ع إيطاليا، مطعم ZLuna هو وجهتكن المثالية بالضاحية. بتلاقوهن تحديداً ع اوتستراد هادي نصرالله، فيكن تابعوهن ع الإنستغرام هون. للتواصل ع الرقم: 429 094 03. 

شوفوا كمان، بتحبوا السوشي؟ خلونا نخبركن عن تجربتنا عند سوشي بيل!