أهم فندق ببيروت رح يرجع يفتح بـ 2026: كل التفاصيل هون!

فندق “فورسيزونز” ببيروت، يلي تعرض لأضرار هيكلية كبيرة بانفجار 4 آب، سكّر بوابو ليعمل إعادة إعمار شاملة. بالرغم من إنو إدارة الفندق كانت مخططة تفتحو من جديد بـ 2022، الظروف غير المتوقعة أخرت المشروع. وهلق، المعلم الفاخر أعلن رسمياً إنو رح يرجع يفتح بوابو بـ 2026.

بحسب الأمير الوليد بن طلال، رئيس شركة المملكة القابضة يلي بنت الفندق، فور سيزونز بيروت رح ينعاد تأهيلو وتجديدو بالكامل. ومن المتوقع يفتح بوابو للجمهور بأول ربع من 2026، بوعد إنو يكون بحلة جديدة بتضاهي أفخم المعايير العالمية.

هالإعلان إجا مع كلام الأمير عن “عصر جديد للبنان”، وأكد إنو الفندق رح يتحول لواحد من أفخم المنتجعات الحضارية بالعالم، وبيمثل خطوة كبيرة لإعادة إحياء السياحة بالبلد.

مع إعادة افتتاح “فور سيزونز“، بيروت رح ترجع تلعب دورها كوجهة سياحية فخمة وراقية، وتعكس أجمل صورة عن لبنان!

شوفوا كمان، مين خليل عون، لاعب الباسكت والابن الشهير لجوزاف عون؟