غرامكن البطاطا المقلية؟ ٨ أكلات ضروري تجربوها بلبنان

مين فينا ما بيحب french fries؟ بس إذا انتو غرامكن البطاطا المقلية، اخترنالكن 8 أكلات ضروري تجربوها بلبنان.

1. برغر بطاطا مقلية من Crave’s Burger

لكل محبي البطاطا المقلية بلبنان، اخترنالكن أطيب وجبة ممكن تجربوها: برغر بطاطا مقلية من عند مطعم Crave’s بمار مخايل.

المطعم الوحيد بلبنان يلي عندو خبزة برغر معمولة من بطاطا مقلية، معها دجاج مقرمش آخر قرمشة ومغطس بالصوص. أديه قوي هالإختراع؟ منظر وطعمة وتقديم بياخد العقل.

ومش بس هيك، كمان مننصحكن تجربوا عندن Mush برغر المحبوبة مع فطر، بصل مكرمل، جبنة سويسرية دايبة، وصوص مشروم روعة.

مطعم Crave’s Burger بيتميز بال self-service والديكور يلي ما بتلاقوا بأي محل تاني. ما تنسوا تابعوهن ع الإنستغرام هون. للتواصل، شوفوا الرقم: 187 588 71.

2. بيتزا مع بطاطا مقلية من مونتانا بيتزا

البيتزا والبطاطا المقلية، أكتر شغلتين طيبين انجمعوا بنفس اللقمة بس عند مونتانا بيتزا!

الرقم: الزوق 232 333 71 – أنطلياس 090 309 71 – كفرحباب 213 333 71

3. طبق Loaded fries الجديد من The Potato Bar

طبق Loaded fries صار عندو شكل جديد، مع علبة من فوق للبطاطا المقلية، وتحت فيه مشروبكن المفضل. بتلاقوا عندن مختلف نكهات loaded fries كمان!

أنطلياس، الرقم: 441 022 70

4. ستيك وبطاطا مقلية من Swiss Butter

سويس باتر مشهورين بالصوص يلي بيعملوها مع الستيك والبطاطا المقلية ع جنبها! من ألذ المطاعم لتجربوا ستيك بلبنان ، والحلو إنو في كذا نوع ستيك تختاروا من عندن.

الرقم: الجميزة 480 444 01 – جل الديب 571 712 04 – فردان 304 744 01

البترون 132 567 81 – زحلة 518 818 08

5. طبق بافلو Loaded fries من Fries Lab

وجبة فرايز مبهرة ع المزبوط، مع صوص البافلو الحر والدجاج والجبنة!

الضاحية، الرقم: 055 495 71

6. سندويشة بطاطا مقلية من إم شريف ديلي بمينة الحصن

إذا عبالكن سندويشة بطاطا مقلية مع كول سلو وكاتشب، لازم تجربوا هالطعمة الكلاسيكية المحبوبة عند إم شريف ديلي.

7. طبق تشيكن تشيز فرايز من تايغر داينر

هالمطعم معروف بالأطباق الدسمة كتير، متل برج الشاورما أو طبق تشيكن تشيز المحشي بطاطا مقلية مقرمشة ع الآخر.

الحازمية، الرقم: 687 287 01

8. وافل فرايز من عند مطعم Husk

في ألذ من إنو تطلبوا وجبتكن مع فرايز ع شكل وافل، مقرمش وطيب؟

الرقم: نقاش 233 839 76 – بيروت 071 827 81

شوفوا كمان، ١٤ مطعم لأحلى قعدة جبنة ونبيد هالشتوية