عندكن عشق الجبنة والخبز السخن؟ هيدا المحل هوي المكان يلي بتحلموا فيه!

إذا حابين تغيروا جو وتعيشوا تجربة فريدة مع ريحة الخبز الطازة، خلوني خبّركن عن Delidough. هالمخبز اللي بيدفي القلب بعاليه كأنه قطعة من باريس جايّة لعنا.

إذا بتحبوا الجبنة والخبز السخن، Delidough هو العنوان!

من أول ما تفوتوا، ريحة الخبز السخن بتستقبلكن! عندن كل أنواع الخبز لي ممكن تحلموا فيها، من الشاباتا للباغيت، وفيكن تشوفوا الخبز كيف بينخبز قدام عيونكن. وغير الخبز، عندن أجبان بتطير العقل، متل الجبنة مع الكستنا، وبقسم الشاركوتيري فيكن تختاروا يلي بدكن ياه من البراد وتعملوا ساندويشكن على ذوقكن.

قعدة روعة وقهوة طازة

القعدة بالمحل مرتبة ومكنكنة، بتحسوا حالكن قاعدين ببيت دافي مع كاسة قهوة أو حتى عصير فريش. من سينامون رول ولا بانيتوني، لعجينة البيتزا يلي بتدوب بالتم، كل شي معمول بحب واهتمام.

وإذا عبالكن نكهة لبنانية، عندن مناقيش بتاخد العقل، من زعتر مع لبنة وعسل ورمان، للسبانغ مع دبس الرمان. غير الكروسان بأنواعه: شوكولا، بيستاشيو، وحتى لوتس.

وما تنسوا السحلب السخن بالشتوية يلي بيدفي الروح.

كل شي تحت سقف واحد

هيدا المحل مش بس مخبز وكافيه، هوي مكان فيكن تلاقوا فيه كل شي من أجبان وشاركوتركي، لحلويات طازة متل الكوكيز والكيك، وحتى خيارات غلوتين فري. وإذا عندكن مناسبة، بيعملوا كاترينغ لكل الأوقات.

ما تفوتوا الفرصة تزوروا Delidough إذا كنتوا بعاليه، وحتى إذا ما كنتوا قريبين، سمعوا منا وروحوا مخصوص. الطريق ما بتاخد أكتر من 25 دقيقة من بيروت، والتجربة عن جد ما بتننسى!

العنوان: سوق عاليه
الرقم: 821 221 81

شوفوا كمان، ١٤ مطعم لأحلى قعدة جبنة ونبيد هالشتوية