١٤ مطعم لأحلى قعدة جبنة ونبيد هالشتوية 

من أحلى التجارب بالشتوية هي القعدات الرومانسية أو سهرات مع الرفقا مع لوح جبنة مزينة ع أنواعها، المكسرات، شرايح اللحمة الباردة، النبيد الأحمر. لتعيشوا هيك تجربة بلبنان، اخترنالكن 14 مطعم لتجربوا أطيب جبنة ونبيد هالشتوية! 

1. Le ouf fusion، الأشرفية

بتلاقوا عندن لوح شاركوتيري ولحوم باردة ونبيد مميز، مع سلطة ومكسرات ع الجنب!

الرقم: 765 851 81

2. Chapô Ba، حريصا

أكتر مطعم رومانسي ممكن تجربوا مع الشريك. عندن فيو خيالية بالليل، وليالي جبنة ونبيد مع ورود وأجواء رومانسية.

الرقم: 400 934 70

3. Omnia Batroun، البترون

عبالكن ليلة ونسة مع الشريك بالبترون؟ ماإلكن إلا تجربوا شاركوتيري مع نبيد عند هالمطعم!

الرقم: 642 166 81

4. Canopée، برمانا

كل أربعا عندن ليالي جبنة ونبيد مع أجواء شتوية بتاخد العقل!

الرقم: 022 023 76

5. L’Autre Bistro،الحمرا

ميلوا عند هالمطعم المكنكن بالحمرا ودوقوا النبيد مع لوح من الجبنة والمكسرات الطيبة!

الرقم: 501 742 01

6. Coin Perdu، سرسق

اطلبوا لوح شاركوتيري من جبنة ولحوم باردة وفواكة مجففة ومكسرات مع النبيد يلي بتفضلوا عندن!

الرقم: 724 332 01

7. The Wooden Cellar، مار مخايل

مطعم كتير رومانسي لليالي الشتا الباردة. جربوا عندن تشكيلة من الجبنة، مع اللحوم الباردة، والنبيد ع الجنب!

الرقم: 398 808 76

8. Les Caves De Chez Michel، فقرا

كملوا نهاركن بين التلوج عند هالمطعم الرومانسي بفقرا. عندن لحوم إيطالية باردة، لوح شاركوتيري مميز، مع كاس نبيد ع دفى الشاميني.

الرقم: 418 894 03

9. O Bois، الخنشارة

راكليت، فوندو، شاركوتيري من الجبنة واللحوم الباردة، وأطيب كاس نبيد بتلاقوها عند هالمطعم بالغابة!

الرقم: 752 345 03

10. Le Raclot، اللقلوق

احجزوا عشاكن الخاص مع الشريك وعيشوا أجواء شتوية مميزة مع كاس نبيد وشاركوتيري.

الرقم: 777 413 70

11. بكرزاي، بعقلين

بكرزاي بيفتحوا كل جمعة، سبت، أحد لتعيشوا أجواء مكنكنة بالجبل. عندن ليالي دافية من جبنة ونبيد غير شكل!

الرقم: 664 766 71

12. Auberge Le Valais، فاريا

مطعم بيقدم الأطباق السويسرية بين التلوج فاريا. عندن ليالي فوندو وشاركوتيري مع كاس نبيد. 

الرقم: 227 552 03

13. Iris Domain، بحمدون

عبالكن جبنة شهية مع نبيد لبناني أصيل؟ لازم تجربوا هالمطعم المكنكن ببحمدون.

الرقم: 623 727 03

14. Fine Bouche، الأشرفية

اختاروا تجربتكن عند هالمطعم! فيكن تجربوا لوح شاركوتيري استثنائي من الجبنة واللحوم مع كاس نبيد عندن، أو تطلبوهن لعندكن ع البيت!

الرقم: 558 330 01

شوفوا كمان، ١٥ محل بيقدموا أطيب راكليت وفوندو بلبنان