مطعم بقلب الغابة وأكلو متل أكل البيت.. شوفوا هالجوهرة!

إذا عبالكن تهربوا من عجقة المدينة، وتعيشوا أجواء مميزة مع أطيب الأكل اللبناني، دبل تي بالشبانية هوي المحل يلي لازم تزوروا! هيدا المطعم موجود بقلب الغابة، وبيشبه قعدة البيت بكل تفاصيلو. من اللحظة يلي بتوصلوا فيها، بتحسوا بالراحة، قعدة خشب حد الشيميني، والطبيعة حواليكن من كل ميلة.

الأكل هون عن جد قصة تانية. كل طبق عندن محضر بحب وشطارة، وبيذكركن بطعمة أكل البيت. من الكبة النية اللي بتدوب بالتم، للفتة والفوارغ يلي طعمتن غير شكل.

أما إذا عبالكن شي عن جد مميز، لازم تجربوا كتف الخروف مع الرز، يلي بينشوي على نار هادية ليطلع طري وبشبع. وإذا كنتوا من محبي الأطباق الغريبة والجديدة، جربوا ورق العنب مع اللسانات، نكهة بتطير العقل.

السر ورا طعمة الأكل الطيبة هون هوي المكونات الطازة يلي بيستعملوها. الخضرا بيزرعوها بحديقتن، اللحمة من ملحمتن الخاصة، وحتى البطاطا المقلية والحمص طعمتن بتشبه أكل البيت. هون كل شي معمول بإيدن وبيطلع مباشرة من المطبخ على الطاولة.

وما في أحلى من ختم القعدة بتحلاية طيبة. جربوا صحن الحلوم مع البطيخ، أو ضيافة المربى يلي بيحضروها بإيدن مع فنجان شاي سخن. الحلو هون بسيط، بس نكهتو بتضل بالبال. كل شي بأجواء دافية وبتحسوا إنكن عن جد ببيتكن.

إذا جيتو بالصيفية وقعدتوا تحت الشجر أو بالشتا حد الشيميني، قعدة دبل تي هيدي التجربة يلي ما بتتفوت. الأكل، الأجواء، والطبيعة حواليكن بيخلوا كل زيارة لهيدا المكان ذكرى حلوة. شو ناطرين؟ احجزوا طاولتكن وعيشوا التجربة!

العنوان: الشبانية
الرقم: 919 021 71

شوفوا كمان، محل جديد بديل لل McDonalds فتح ببيروت، هيك قصتو والأسعار!