٢٠ محل بياخدكن على سويسرا من قلب لبنان!

ما في أحلى من سويسرا بمناظرها اللي بتاخد العقل، ببيوتها الخشبية، وجبالها المغطاية بالتلج. بس بدل ما تحجزوا طيارة وتضبوا شنطكن وتتكلفوا، شو رأيكن تعيشوا هالتجربة من قلب لبنان؟

بهالمقال رح نعمل جولة على ٢٠ محل بلبنان بيشبهوا سويسرا بأجواءن الساحرة، وبطابعن اللي بيخليكن تحسوا حالكن بوسط جبال الألب السويسرية.

١. Auberge Le Valais، فاريا

بفاريا، بين أحضان الطبيعة وبعيد عن ضجة المدينة، بتلاقوا هالمطرح اللي بياخدكن على سويسرا بأطباقو وديكورو. جربوا جبنة الراكليت الدايبة مع ستيك شهي وكاس نبيد بيكمل الأجواء. أما الديكور، فهو مستوحى من التراث السويسري، مع تفاصيل فاخرة بتخليكن تحسوا حالكن بمنتجع سويسري راقي.

الرقم: 227 552 70

٢. Le Montagnou، كفردبيان

هالمطرح مش بس أوتيل، هوي تجربة بتعيشوا فيها جمال الجبال اللبنانية. ديكور خشبي بيدفي القلب وأطباق سويسرية بتشهي، خصوصي جبنة الفوندو اللي بتتقدم مع أطيب النكهات. بالشتي، لما التلج يغطي كل شي حواليكن، القعدة هون بتصير خيالية مع النبيد والأكل الدافي.

الرقم: 441 341 03

٣. Le Cedrus Hotel، الأرز

إذا بتحبوا جو الأرز وجبال بشري، Le Cedrus هوي العنوان. أوتيل ومطعم بأجواء دافية ريفية، مع قعدة مريحة بتطل على مناظر متلجة بتريح البال. ما تنسوا تجربوا الأطباق اللي بتكمل جمال الأجواء، مع لمسة لبنانية حلوة.

الرقم: 777 413 70

٤. أرز فاريا، فاريا

هالمكان بيقدم بيوت خشبية بأجواء جبلية بتخطف الأنفاس. المناظر حوالين المكان كلها بتذكركن بجبال سويسرا. بالشتوية، لما التلج يغطي البيوت الخشبية، التجربة بتصير ساحرة!

الرقم: 467 109 03

٥. عالبيت، كفردبيان

تجربة مختلفة بهالمطرح اللي بيجمع البساطة مع الجمال السويسري. القعدة الخشبية مكنكنة، اللقمة اللبنانية الدافية بتريح القلب. جربوا أكل البيت اللي مليان نكهة وطعم بيشبع الروح.

الرقم: 468 552 03

٦. شي شاكر، كفردبيان

مكان مميز بأجواء عائلية حميمة، وديكور خشبي بيذكركن ببيوت الريف السويسرية. المناظر حوالين المكان بتاخد العقل وقعدة المسا مع أكل طيب بتخليكن تعملوا ذكريات ما بتنتسى.

الرقم: 800 341 29

٧. Les Caves de Chez Michel، فقرا

هالمطعم موجود بقلب فقرا وبيجمع بين الأجواء الجبلية والطابع السويسري. المنظر حوالين المكان أبيض لأنو مغطى بالتلجات، والأطباق طعمها بيخليكن ترجعوا كل مرة.

الرقم: 418 894 03

٨. فوزي، فقرا

ما حدا بيزور فقرا وما بميل عند فوزي! المكان بسيط بس أجواءو بتحسسكن كأنكن بريف سويسري، خصوصي لما التلج يغمر الضيعة.

الرقم: 575 406 03

٩. أوريا Ourea، فقرا

مكان فاخر وديكوره بيجنن، من الأضوية الخافتة لتفاصيل الخشب اللي بتخلق أجواء سويسرية بامتياز. النومة هون مش عادية، كل ليلة قصة لحالها!

الرقم: 2758 285 50 971

١٠. أوكريدج Oakridge، فقرا

مكان مناسب لكل المناسبات، بقعدة مريحة ومناظر جبلية خلابة. الديكور مستوحى من سويسرا، والمأكولات بتكمل الأجواء المميزة.

الرقم: 009 707 70

١١. French Brasserie، برمانا

هالمطعم الفرنسي قاعد بقلب برمانا بيقدم جلسة ما بتفوت حد الموقدة، مع أطباق بتعكس الروح الأوروبية بكل نكهة فيها.

الرقم: 500 105 79

١٢. The Wooden Cellar، مار مخايل

إذا عبالكن تجربة سويسرية مع أطباق إيطالية وفرنسية بقلب بيروت، هيدا المحل هوي العنوان. مع القعدة الخشب، الشموع، والرومانسية مع الموسيقى بتخليكن تنسوا المدينة للحظات.

الرقم: 392 808 76

١٣. Pine House، إغمد

هالمكان المخبى بين أشجار الصنوبر هوي الجواب لكل حدا عبالو جو ريفي بأجواء سويسرية دافية. القعدة هون بتنسيكن هموم الدني.

الرقم: 852 125 71

١٤. Cedar Scent، نيحا البترون

بتتخيلوا السويسرا الريفية؟ Cedar Scent بنيحا هوي النسخة اللبنانية. طبيعة بتطير العقل وقعدة مريحة لكل محبي الجبل.

الرقم: 511 233 70

١٥. Wood Hills، ميروبا

منتجع مثالي للصيف والشتا، مع بيوت خشبية متل الحكايات. القعدة بهالبيوت خصوصي بالشتوية مع التلج حواليكن، بذكروكن بأجمل مشاهد سويسرا.

الرقم: 786 177 76

١٦. Chalet de Charme، الأرز

هالشاليه بوسط الأرز بيجمع بين الفخامة والبساطة السويسرية. المكان روعة للعيل أو الأصحاب، خصوصي مع مناظر الأرز الأبيض حواليكن.

الرقم: 523 841 78

١٧. O Bois، الخنشارة

هالمكان هوي نقطة التقاء الطبيعة مع الديكور السويسري. الخنشارة بتخبي هالجوهرة اللي بتعطيكن تجربة مختلفة عن غيرها.

الرقم: 752 345 03

١٨. Le Gargotier، برمانا

هالمطعم الساحر بقلب برمانا بيجمع بين الأجواء الريفية السويسرية والضيافة اللبنانية. الديكور الخشبي والأكل الفرنسي بيخلو القعدة فيه مميزة. من المقبلات اافرنسية الشهية للأطباق العالمية الفاخرة، Le Gargotier بيقدم تجربة مش بس لذيذة، إنما مريحة وهادية كأنكن بقلب مطعم بالألب السويسرية.

الرقم: 254 343 03

١٩. لولا، النعص

لولا هوي وجهة ريفية راقية لكل اللي بحبوا يهربوا من صخب المدينة. بديكوره الريفي المميز والحديقة الخضرا اللي حواليه، بيخلوكن تعيشوا أجواء قرى سويسرا. غير المناظر، الأكل بحد ذاتو تجربة، بين الستيك، السلطات الطازة، والأطباق الفرنسية الأصيلة مع لمسة عصرية. ما في أحلى من الغداء بقلب بيت خشب وعلى دفا الموقدة.

الرقم: 706 062 71

٢٠. فلينت، ضهر الصوان

فلينت هوي جوهرة مخفية بقلب ضهر الصوان، بيجمع بين الرومانسية والرواق. موقعو المرتفع بين الجبال بيخلي المناظر اللي حواليه خيالية، خصوصي وقت الشتي والتلج. الأكل فيه بيتميز بالجودة والتنوع، من الجو الرومانسي للأطباق اللي بتجمع بين المطابخ الأوروبية والعالمية. إذا بتحبوا أماكن بتخلوكن تحسوا كأنكن بعطلة سويسرية، فلينت لازم يكون على قائمة زياراتكن.

الرقم: 375 864 71

بهل محلات فيكن تحسوا أجواء سويسرا بلبنان وتعيشوا كل لحظة بتفاصيلها!

شوفوا كمان، ١٣ مطعم لازم تزوروهن بين فاريا وفقرا وكفردبيان هالشتوية!