أطيب 9 محلات لتدوقوا برانش غير شكل بلبنان

عبالكن غدا برانش مميز مع أصحابكن؟ خلونا نخبركن عن أطيب 9 محلات لتدوقوا برانش غير شكل بلبنان. 

1. Ours Cafe، زحلة

Ours هو من ألطف كافيهات زحلة، عندن جو حلو هالشتوية، وغدا برانش بيشهي! دوقوا عندن كرواسون محشية Crème Patissière ، توست مع عسل وفريز أو مع بيض وأفوكادو، وقصص كتير طيبة مع Sourdough!

عدا عن منيو من المشروبات الدافية هالشتوية، متل لاتيه ع تيراميسو أو فنجان من هوت شوكلات بقلبها دبدوب محشي مارشميلو!

بيفتحوا كل يوم من الساعة 8 الصبح حتى الساعة 11:30 المسا. لمعلومات أكتر، فيكن تتصلوا فيهن على 238 394 03، أو تتواصلوا معن عبر إنستغرام.

2. قهوة زيتونة، زيتونة باي والبترون

برانش من أطيب الأطباق اللبنانية مع كباية شاي سخنة ناطركن عند قهوة زيتونة! عندن قعدة حلوة ع الزيتونة باي وكمان فرع مهضوم بالبترون.

الرقم: 357 370 01

3. East Village، بدارو والأشرفية

عبالكن سلطات فريش مع ألذ المكونات؟ أو سندويشات طيبة بخبزة محمّصة؟ لازم تجربوا East Village، من أطيب محلات البرانش ببيروت وعندن منيو استثنائية.

الرقم: 375 327 01

4. كافيه يونس، فروع كافة

كافيه يونس عندن غدا برانش خفيف ولذيذ مع قهوة مختصة غير شكل. بتلاقوهن وين ما كان بلبنان!

الرقم: 577 397 01

5. The Glow Paradise، الجميزة

هالمطرح فتحوا فرع جديد بالجميزة وناطركن ع ألذ برانش. يلي بميّزن هي الأطباق الصحية والسلطات الغنية، معمولة من مكونات عالية الجودة، طيبة، وكمان بتعطيكن طاقة!

الرقم: 118 149 79

6. Bartartine، فروع كافة

بلشوا نهاركن عند بارتارتين مع ألذ المخبوزات والسناكات الخفيفة من سندويشات وكرواسون، والحلو انو كمان بيعملوا بوفيهات برانش. عندن كذا فروع ببيروت، و برات بيروت متل برمانا، ضبية، الحازمية، اكبسوا هون لتعرفوا أرقام التلفون.

الرقم: 221 200 01

The Barn .7، الجميزة

عندو المنيو غنية بالأطباق الصحية والفريش، خصوصي السلطات ع أنواعها. إذا في شي لازم تجربوا ع غدا برانش عندن هو خبزة التوست بالخلطة المفضلة عندكن مع العصير الطبيعي!

الرقم: 902 449 01 – 902 449 81

8. Sud، ضبية

ميلوا عند سود من كل يوم من الساعة 11 الصبح ل 1 الضهر لتدوقوا برانش متنوع ومميز!

الرقم: 056 888 78

9. كافيه المندلون، الأشرفية وضبية

المندلون مشهور بالأطباق الطيبة والبوفيهات المفتوحة ع برانش. والأطيب من هيك انو بيعملوا مخبوزات بتشهي!

الرقم: 539 747 03 – 700 321 01

شوفوا كمان، ١٠ محلات بيعملوا أطيب صفيحة بعلبكية بلبنان!