رول لحمة أطول من نص متر، وين ببيروت؟

عبالكن شي طيب تتشاركوا مع أصحابكن؟ لقينالكن أطول رول ببيروت بس عند مطعم فرنوش بالحدث!

عند مطعم فرنوش الرول طولها أكتر من نص متر، عم تتخايلوا؟

بتجي محشية لحمة أو دجاج أو قريدس ومعمولة طازة من الفرن. العجينة متل المنقوشة بس أخف، شكلها منفوخة شوي وطيبة، محشية بألذ المكونات يلي انتو بتختاروها مع صوصات فرنوش الطيبة.

ما توقفوا بس ع الرول! جربوا عندو قصص كتير طيبة. بتلاقوا شاورما لبنانية غير شكل، صفيحة بعلبكية ع أصولها، المناقيش الطازة ع أنواعها لترويقة مميزة، لحم بعجين وفطاير بتشهي. فيكن تروحوا لعندو ع الترويقة، ع الغدا، وحتى العشا!

خبرونا، مع مين رح تتشاركوا هيدي الرول الطيبة؟

بتلاقوا المطعم تحديداً بالحدث، ع السان تيريز مقابل gustoso. للطلب، فيكن تتصلوا على 824 823 70. وما تنسوا تابعوهن على حسابن هون.

شوفوا كمان، بتعرفوا وين تلاقوا أكبر وأطيب سندويش سمكة حرة بلبنان؟