أبرز لحظات 2024: قصص ما بتتنسي بهالسنة المجنونة!

سنة 2024 كانت مليانة أحداث، منها يلي ضحكنا ومنها يلي بكانا. خلينا نرجع نتذكر سوا أهم المحطات لي صارت بهالسنة، شهر بشهر، ونتذكر شو خلى هالسنة تكون صعبة بس مميزة!

١. شهر كانون التاني – قرصنة مطار بيروت

بداية السنة ما كانت عادية، لأنه مطار بيروت تعرّض لقرصنة، والناس صاروا عايشين حالة من الهلع والترقّب. كتير قصص انحكت عن مين وراها وكيف صارت، بس الأكيد إنه كانت بداية “حماسية” لسنة 2024.

٢. شهر شباط – إعلان خيانة دكتور فود بالبث المباشر

مين ما حضر البث المباشر لي فجر السوشيال ميديا؟ دكتور فود اتهم بالخيانة مباشرة، وكان حديث الكل، من قرايب لصحاب لناس ما بيعرفوه حتى. أكيد كانت خبرية ما بتنسي!

٣. شهر آدار – أمل حجازي عم تغني بدون حجاب

رجعت أمل حجازي للساحة الفنية، بس هالمرة المفاجأة كانت إنه عم تغني بدون حجاب. السوشيال ميديا اشتعلت بالتعليقات، وكل حدا صار عنده رأي بالموضوع.

٤. شهر نيسان – LAU فتحت فرع بأميركا

الجامعة اللبنانية الأميركية (LAU) خطوة كبيرة بالتعليم اللبناني وخلت الكل يحكي عن مستقبل الجامعات بلبنان.

٥. شهر أيار – دكتور فود واتهام التهريب

السنة ما كانت سهلة على دكتور فود. بعد قصة الخيانة، رجع اسم دكتور فود على الساحة، بس هالمرة بفضيحة تهريب مخدرات بمنتجاته الغذائية. كانت ضربة قوية تانية!

٦. شهر حزيران – أهم حفلات صيف 2024

حفلات صيف 2024 كانت غير شكل، من الفنانين العرب للنجوم اللبنانيين، الأجواء كانت ولعانة بكل المناطق. الصيفية كانت مليانة طاقة وحماس.

٧. شهر تموز – دعاية فروج العبدالله وحفل ملكة جمال لبنان

الإعلان تبع فروج العبدالله عمل بلبلة كبيرة بسبب محتواه الجريء والغريب. نفس الشهر، لبنان عاش لحظة جمال مع حفل انتخاب ملكة جمال لبنان، يلي رجع بقوة هالسنة!

٨. شهر آب – موقع لتقييم جدار الصوت

صار في موقع بيسمح للناس يقيّموا “جدار الصوت” بلبنان. خطوة غريبة شوي، بس كانت حديث الكل بوقتها.

٩. شهر أيلول – نايت كلوب للمراهقين

هالشهر شهد افتتاح أول نايت كلوب للمراهقين بس. الفكرة كانت جريئة وغريبة، وأكيد أثارت جدل واسع بين الأهل والشباب.

١٠. شهر تشرين الأول – عودة تلفزيون المستقبل والمشهد المبكي بالضيع الحدودية

تلفزيون المستقبل رجع للشاشة، وحمل معو ذكريات الناس يلي كبرت عليه. بنفس الشهر، الناس بكيت على مشاهد الضيع الحدودية قبل وبعد العدوان. كان شهر مليان مشاعر متناقضة.

١١. شهر تشرين التاني – إم كامل فوق بيروت ومسعد بولس صهر ترمب

إم كامل كانت تضل فوق راسنا. بنفس الوقت، مسعد بولس، صهر ترامب اللبناني، صار مستشار رسمي.

١٢. شهر كانون الأول – هبة طوجي بأهم حفل بفرنسا وحفلة الموركس دور وافتتاح أول محل شي إن ببيروت

ختام السنة كان أسطوري مع هبة طوجي يلي غنت بحدث عالمي بفرنسا. وأخيرًا، شين (Shein) فتح أول فرع إلو ببيروت. والسنة ما بتكمل بلا حفلة الموركس دور، يلي كانت آخر شي صار هالسنة!

هيدي سنة 2024، كانت مليانة أحداث غريبة، حلوة، وصعبة. شو أكتر لحظة بتتذكروها؟

شوفوا كمان، حصري ولأول مرة..الممثل نيكولا معوض يفاجئ الجمهور بأغنية تركية!