١٢ كذبة كل لبناني بيقنع حالو فيها أول السنة!

سامعين بخبرية New Year New Me؟ وبالآخر بترجع حليمة لعادتها القديمة! لنضحك شوي، شوفوا معنا ١٢ كذبة كل لبناني بيقنع حالو فيها أول السنة. 

1. بدي خفف أحضر أخبار

بتخفف من هون، بيخرب البلد من هون

2. بدي وقف ستريس وتعصيب

وأول ما يصير شي صغير منكرفت

3. بدي صمّد مصاري

وفجأة بتخرب السيارة، وكل العالم بتصير بدها تضهر، وبتبلش الحسومات بالمحلات

4. بدي روح سافر سياحة ع شي بلد

من وين المصاري؟

5. ما بقى بدي روح اسهر كتير 

بعدها دغري بيعزمك صاحبك ع سهرة 

6. ما بقى بدي إتخانق مع غيري ع السياسة

تاني نهار بتشوف عمّك ع الطريق وبتتخانق معو ع نفس القصص

7. رح خفف قهوة لـ ٢ بالنهار بس

بصيرو دوبل عن قبل

8. رح بطّل آكل كل يوم مناقيش ع الصبح

تاني نهار بتمرق من حد الفرن، بتندوخ بريحة المناقيش وبتطلب تنين بدل وحدة.

9. رح التزم ب الدايت

تاني نهار إمك بتطبخ محاشي، بتحط قنينة زيت متل ما هي بالسلطة 

10. رح اشترك بالنادي هالسنة

بيخلص اشتراك أول شهر وهيداك وج الضيف

11. بدي جيب حدن يصلّح البراد/الغسالة وبطّل اعمل حالي معلم وبفهم بكل شي

بحياتها ما صارت. 

12. خلص هالسنة بدي قدم ع شغل برا وفل من البلد

كم مرة صرت مقدم ع فيزا؟ ما زهقت من نفس الكذبة كل سنة؟ 

أول شهر بيمشي الحال وتاني شهر منفتحلها عالخفيف وتالت شهر منفتحلها عالآخر!

وإنتو شو هي كذبة بتوعدوا حالكن فيها كل أول السنة؟

للمزيد من المحتوى المهضوم، تصفحوا قسم #نكت وتسلية ع الموقع هون.