جواهر مخفية…لقينالكن ١٥ بيت ضيافة مميز بلبنان!

إذا كنتوا عم تبرموا على مطرح تهربوا فيه من العجقة وتنبسطوا بجمال لبنان المخفي، لكن لازم تجربوا شي بيت ضيافة دافي ولطيف. هون لقينالكن 15 بيت ضيافة مميز حول لبنان، نحنا منعتبرن عنجد جواهر مخفية!

1. بيت فارس ولوسيا، جبيل

بيت ضيافة بيرجعكن بالزمن وبخليكن تنغمسوا بلحظات من التاريخ، مطرح بتحسوا حالكن فيه بالبيت!

الرقم: 141 210 03

2. فيلا بوتانيكا، جبيل

هالجوهرة الخلابة بقلب إده بتعطي تجربة بتشبه توسكانا، بتسحر الزوار بخضارها الخيالي. غير الفيلا المميزة والواسعة، جنينتن مجهزة ببركة سباحة وأماكن مثالية لتعملوا بيكنيك. للحجز هون.

3. نيولي، جبيل

نيولي بيتميز بسحر وقعدة متل كهف، بيوعدكن بتجربة هروب ما بيشبها شي تاني. الديكور الداخلي بيضمن إنو إقامتكن تكون هادية ولا أروع.

الرقم: 878 880 81

4. شي جولييت، القليعات

هالبيت التراثي اللبناني بيعطي لمحة على تاريخ الضيعة، مع ديكور وعفش تقليدي ليعطيكن تجربة جبلية أصيلة.

الرقم: 662 585 03

5. فيلا شمعون، وادي قاديشا

بلشت فيلا شمعون كبيت عيلة بسنة 1965، وهلق تم ترميمها وصارت بيت ضيافة حلو ورومانسي. فيكن تتمشّوا أو تركبوا بيسكلات حول المنطقة، وتتلذّذوا بالأكل الطيب المحضّر من مكونات طازة.

الرقم: 205 508 70

6. بيت السنونو، كفردبيان

مخبى بفقرا، بيت السنونو ما بيقدم إلا قطعة من الجنة. مع فعاليات مشوقة، غرف مريحة، وجو هادي، تجربتكن هون رح تكون من هالتجارب يلي ما بتنتسى.

الرقم: 866 400 71

7. My Stone Cellar، دوما

بيت عتيق من القرن 19 رح ياخدكن برحلة عبر الزمن. مع الأوض المقنطرة، الجنينة الحلوة، وفَرَش عتيقة، وكِلّ تفاصيل البيت اللبناني التقليدي، هالمطرح عنجد رح يبهركن.

الرقم: 485 283 71

8. Maison Batache، حصرون

رحلة بالزمن لورا لتكتشفوا عالم من الراحة والروقان! جربوا كم نهار بهيدا البيت اللطيف وخدوا كزدورة بحصرون الحلوة.

الرقم: 948 001 81

9. دار ضيافة 1912، برمانا

بيت أصيل بيرجع تاريخه 1912! كتير رح تنغرموا بهيدي الجوهرة المخفية بين الشجر.

الرقم: 993 106 81

10. دار نور، شبطين

بدكن تخلقوا ذكريات روعة؟ احجزوا بدار نور إقامة رومانسية وممتعة هالشتوية.

الرقم: 818 733 03

11. دار المعاصر، الشوف

هالمطرح بيجمع بين بيت ضيافة وثقافي، بتلاقوا فيه بين الجمال والهدوء للأشخاص يلي بحبوا يبتعدوا عن ضجة المدينة وعجقتها.

الرقم: 935 359 03

12. سيزان، ضبيه

بيت تراثي عمره 200 سنة تحوّل لبيت ضيافة رومانسي، مطعم، وبركة سباحة.

الرقم: 944 441 71

13. دار أسمات، البترون

عيشوا حلمكن بقلب بيت ضيافة لبناني ع الموديل القديم، هالمطرح عنجد جوهرة مخفية بالبترون!

للحجز هون.

14. بيت سقي، راشميا

بيت سقي بيجمع بين التاريخ، الحب، وذوق الرفيع بمكان واحد. نظرة سريعة ع الداخل وبتلاحظوا أديه مهتمين بالقعدة والديكور.

الرقم: 849 279 03

15. بيت توريف، الجميزة

وآخر بيت ضيافة رح نخبركن عنو هو جوهرة موجودة بوسط المدينة! هالمطرح بالجميزة بينقلكن أجواء الضيعة مباشرة ع بيروت. مع ضيافة ما بتنوصف، جنينة عالسطح، هالمطرح عنجد لازم تزوروا.

الرقم: 021 384 70

شوفوا كمان، ١٥ محل بيقدموا أطيب راكليت وفوندو بلبنان