لقينالكن أطيب مطعم برغر بمار ميخايل!

لكل عشاق البرغر، في عنا مطرح جديد لازم تجربوا!

هالمحل رح يصير المفضل عندكن للبرغر! مطعم Crave’s Burger مخبى بمار ميخايل وبقدملكن كل أنواع البرغر يلي ممكن تتخيلوها. من برغر اللحمة المغمّس بالبصل المكرمل للدجاج المقلي ومقدم بقلب خبزة بس من french fries، أديه فخمة؟ هيدا غير الوافل فراي برغر، منظرها لحالو بيفتح النفس!

بتعرفوا إنو Crave’s Burger لشيف من المتأهلين النهائيين ببرنامج Top Chef العالمي؟ يعني توقعوا عنجد أطيب برغر!

شو ع المنيو؟

خلونا نخبركن شو ناطركن بمنيو كرايفز برغر! بيقدموا لحم أنغوس دسم وزنو 170 غرام، مطبوخ على أصولو ومعو مكونات طازة ونكهات شهية. لعشاق الطعم الكلاسيكي، اطلبوا التشيز برغر يلي عندن، مع جبنة دايبة، كبيس، خس، بندورة، بصل،وفوقن الصوص الشهية الخاصة بالمحل!

حابين تدلعوا بطنكن بعد؟ جربوا Mush Burger من كرايفز، بتجي مع فطر المقلّى، بصل مكرمل، جبنة سويسرية دايبة، صوص مشروم بتشهي، والروكا مع الحر. طعمة كريمي وغنية بتخليكن تنغرموا من أول كدشة!

لكل محبي التشيكن برغر، Crave’s عندو إبتكار قوي ومقرمش بيكمل طعم الدجاج الكرسبي: خبزة من البطاطا المقلية! هالبرغر رح تقدملكن تجربة ممتعة ومقرمشة ع الآخر بالأكل. ليش تطلبوا خبزة عادية لما فيكن تجربوا الدجاج المقلي بين طبقات من البطاطا المقلية الشهية؟

هيدا البرغر مش للقلوب الضعيفة، معمول لكل يلي بيحبوا المغامرة بالأكل. للصراحة، Crave’s Burger رح يصير مطعمكن المفضل لتزوروا مع أصحابكن وتجربوا عندو شي دسم وبيشهي. مع نكهات جريئة ومنيو مميزة، هيدا المكان المثالي لتنبسطوا بالأكل الطيب والرفقة الحلوة.

عندن خدمة Self-service!

كرايفز عندن ميزة كتار منّا بيحبوها، ويلي هي self-service. يعني لما تطلبوا، ما في داعي تنطروا حدن، بتجيبوا طلبكن بإيدكن.

وفي شغلة بعد: فيكن تربحوا برغر ببلاش

عندن طريقة ممتعة لتحصلوا على برغر ببلاش: جنب الكاونتر، رح تلاقوا زر مع عداد. إذا كبستوا بالزبط لما يوصل ل10 ثواني، بتربحوا برغر ببلاش. ما تنسوا تجربوا هالتحدي مع أصحابكن!

بتعرفوا إنو حتى الحمامات عندن Glow in the dark? يعني بتعيشوا تجربة غريبة عنجد!

شي واحد ما منزهق منو: تجربة مطاعم البرغر الجديدة ببيروت! خبرونا، شو طلبكن المفضل عند Crave’s Burger! بتلاقوا المحل تحديداً بشارع فرعون بمار ميخايل. فيكن تكبسوا هون لتحصلوا على الموقع بالزبط. بيفتحوا كل يوم من الساعة 1 بعد الضهر للساعة 2 نص الليل!

للمزيد من المعلومات، فيكن تشوفوا حسابن ع انستغرام أو تتواصلوا معن على 187 588 71.