حصري ولأول مرة..الممثل نيكولا معوض يفاجئ الجمهور بأغنية تركية!

الممثل اللبناني نيكولا معوض فاجأ جمهوره بإطلاق أول تجربة غنائية إلو باللغة التركية. قدم ديو بعنوان “Uykuma Bir Kala” (ترجمتها: لحظة ما قبل النوم) مع المغنية التركية أيلين ييليز. تم تصوير الفيديو كليب بلبنان بإخراج رواد ضو، وهو من إنتاج Ada Music. وهيدي الأغنية هي ريمكس جديد لأغنية أيلين يلي أطلقتها سابقًا كغنية منفردة. 

أبدع نيكولا بصوتو، وغنائه كان كتير سلس ومتناسب مع صوت أيلين، والفيديو كليب كتير حلو. يعتبر هيدا العمل خطوة جريئة لنيكولا بمجال الغناء، خاصةً إنو باللغة التركية، وهالشي بيعكس تنوع مواهبو الفنية يلي منحب نشوف منّها أعمال أكتر! 

فيكن تحضروا الفيديو كليب هون:

وحسب نيكولا بمقابلة مع ET بالعربي، الممثل التركي الشهير كيفانش تاتليتوغ هو يلي شجعو ع تجربة الغناء، حضروا هون:

نيكولا معوض هو ممثل ومخرج لبناني مشهور. بلّش مسيرته الفنية كمقدّم برامج على التلفزيون اللبناني، وبعدها دخل عالم التمثيل وصار واحد من أبرز الممثلين بالدراما اللبنانية والعربية. معروف بأدائه الطبيعي وقدرته على التنوع بالأدوار اللي بيقدّمها. شارك بعدد كبير من المسلسلات الناجحة متل “ثورة الفلاحين” و”طلعت روحي”، وحتى وصل للعالمية بدوره بفيلم “His Only Son” اللي بيحكي عن قصة النبي إبراهيم. 

نيكولا كمان شغوف بالإخراج، وأخرج فيديوهات موسيقية وإعلانات. ونحنى منتمنى نشوف المزيد من الأعمال الغنائية إلو بالمستقبل!

شوفوا كمان، بالصور: أول عيد ميلاد لناصيف زيتون و دانييلا رحمة بعد زواجن