ندى كوسا…قدمت ع مسابقة ملكة جمال لبنان من قبل وما انقبلت!

كشفت ندى كوسا عن معلومات حصرية عن مشاركتها بمسابقة ملكة جمال لبنان. بالحلقة الأولى ببرنامج كل ليلة عيد ع LBCI، ندى كوسا كانت ضيفة البرنامج مع بيترا أبو حيدر. عبّرت بهيدا اللقاء كيف إنو نجاحها بملكة جمال لبنان كان أمنية وتحققت وعن إنها قدمت على المسابقة من قبل، بس انرفضت. حضروا هون: 

كشفت ندى خلال المقابلة إنها قدمت من قبل ع المسابقة. إصرارها هو يلي خلّها تكفي: “قدمت على Miss Lebanon  من سنتين وما انقبلت، بس عندي حلم كان إنو كون موجودة بهل competition. لهيدا السبب رجعت قدمت وكان عندي إصرار إني قدم”.  

شو السبب؟ 

ندى كانت بدها تقدم من عمر ١٨ سنة. ولكن بالنسبة إلها شهادتها وجامعتها كانت أولوية عندها: “أبداً ما قبلت قدم قبل ما كون خالصة شهاداتي، مخلصة جامعتي، وعم بشتغل!”

ليه الجامعة كانت مهمة لمشاركتها ب Miss Lebanon؟

هيك كان ردها لندى: “بعتقد بس تكوني مكّنة من حالك، بتكوني قادرة توصلي الرسالة يلي بدك ياها بطريقة أفضل، بتكوني مرتاحة أكتر مع حالك، ثقتك بنفسك صارت أقوى.. لهيدا السبب تأخرت لقدّم”. ندى اشتغلت حكيمة نفسانية مرخصة، فكان من الطبيعي تكون رسالتها بالمسابقة عن الصحة النفسية.  

عزيمتها لندى هي يلي وصّلتها لهون، وبتقول: ” قررت ارجع قدم حتى لو كنت رح اتخطى العمر المناسب لهيدي المسابقة”. 

حلم وتحقق لندى! ودليل على أهمية الإصرار عند كل حدا لنحقق طموحاتنا وأهدافنا أد ما شفناها كانت بعيدة المنال أو فيها عقبات. حتى لو تسكّر باب بوجّنا أول مرة، مش يعني ما نرجع ندق مرة وتنين! 

شوفوا كمان، باميلا الكيك بإطلالة مثيرة للجدل بحفل الموريكس دور، هيك كانت النكت!