صار في مطعم إيطالي بصيدا بجو كلاسيكي وجنينة ساحرة!

تخايلوا إنو في محل عنجد رح يسفركن ع إيطاليا من قلب مدينة صيدا! هالمطعم عنجد جوهرة مخفية، مطعم إيطالي جديد، بأجواء كلاسيكية ساحرة ونكهات أصيلة. خلونا نخبركن عن مورانو فيلدج Morano Village، رح يصير مطعمكن الإيطالي المفضل بصيدا، إن كان بالقعدة، الجو، أو الأكل!

من أول ما تدخلوا ع Morano Village، رح تنتقلوا ع إيطاليا بكل تفاصيلها. بيتميز الديكور الداخلي بالتصميم الإيطالي التقليدي، الحيطان مزينة بصور قديمة ولوحات كلاسيكية، مع بلاط قديم بنقشات إيطالية، أنتيكا وأثريات وتحف وتريّات دهبية، كلو بيخليكن تحسوا بجو بيتوتي مكنكن. كل زاوية بتعكس الفن الإيطالي، مع الكراسي الخشب والأضوية الخافتة والجو الكلاسيكي المميز.

من أكتر الأشيا يلي بتميز هالمكان هي الجنينة الواسعة. رح تنغرموا بنافورة الميّ، ريحة الورد، نقشات الفواكة الإيطالية، والقعدة الرومانسية الساحرة . هالمطرح مميز إن كنتوا بدكن عشا رومانسي، أو غدا مع العيلة، أو حتى قعدة مع الرفقة.

أما بالنسبة للأكل، فالمطعم بيقدم منيو من ألذ الأطباق الإيطالية. عندن الباستا الكريمي والغنية، البيتزا الرقيقة ع الحطب، الحلويات الإيطالية يلي بتدوب بالتم، وأكيد سلطات ومقبلات وغيرو. كل طبق محضر بكل شطارة وحب لتدوقوا أفضل الأطباق الإيطالية التقليدية بقلب صيدا!

مورانو فيلدج أكتر من مطعم، هو تجربة بتنقلكن على إيطاليا من قلب لبنان!

تابعوهن على الإنستغرام هون. للمزيد من المعلومات، اتصلوا على 644 933 81.

 شوفوا كمان، ١٥ محل بيقدموا أطيب راكليت وفوندو بلبنان