شتوية، شوكولا وقهوة: ٤ محلات لازم تزوروها بلبنان

مين ما بيعشق الشوكولا؟ وهلق مع الشتوية، ما في أحلى من فنجان قهوة سخنة مع شوية شوكولا لتدفو قلبكن وتروقوا أعصابكن. جمعنالكن ٤ أماكن بلبنان وين فيكن تغرقوا بنكهة الشوكولا وتعيشوا لحظات ما بتنتسى.

١. This is Chocolate، جل الديب

هيدا المحل بجنن لعشاق الشوكولا! القعدة عندن مميزة والشوكولا يلي بيقدموها خرافية. جربوا الـهوت شوكولات يلي بيعملوه بطريقة بتخليكن تحسوا حالكن بسويسرا، ومع قطعة شوكولا جنب الفنجان، التجربة بتصير كاملة. ومش بس هيك، عندن تجربة الأحلام: فوندو الشوكولا!

الرقم: 891 531 81

٢. Le Noir Chocolat، النقاش وبرمانا

إذا كنت عم تفتش على فخامة بالشوكولا، Le Noir Chocolat هوي العنوان. شو رأيكن بجلسة مع فنجان إسبريسو وقطعة شوكولا معمولة بإيدين محترفين؟ أكيد ما رح تندموا. عندن قعدة كتير مهضومة وأول ما تفوتوا رح تشموا ريحة الشوكولا السخن يلي بتفتحلكن نفسكن… وتطلبوا كل شي شوكولا بيخطر على بالكن سخن أو مصقع، مقرمش أو دايب.

النقاش: 835 354 81
برمانا: 140 717 03

٣. Patchi Café

هيدا الكافيه بيستقبل كل عشاق الشوكولا. فرع البترون فيه منظر حلو كتير على البحر، وفرع وسط بيروت أجواؤه أشيك من الشيك. جربوا الكايكات ع شوكولا، أو ببساطة فنجان هوت تشوكولات مع قطع شوكولا على جنب.

البترون: 172 211 03
وسط بيروت: 009 999 01

٤. Particulier Chocolatier، الحمرا

إذا بتحبوا القعدة البسيطة والدفا، هيدا المحل بالحمرا بيعمل قهوة بشوكولا ما إلها مثيل. جو المحل مكنكن كتير، والشوكولا اللي عندن معمولة بحرفية عالية. جربوا الهوت تشوكولات يلي بيخلطوا فيها الكاكاو مع الشوكولا، طعمتها بتضل براسكن وبتجي مع قطع شوكولا. ولتكملوا تحربتكن، جربوا تغطسوا الكروسان بالفنجان وصوروا التجربة.

الرقم: 455 644 03

حياة بلا شوكولا هيي حياة ناقصة. زورا هالمحلات وحسسوا حالكن بالترف والسعادة يلي بتقدموها قطعة شوكولا أو فنجان قهوة طيب.

شوفوا كمان، لقينالكن كافيه بنص زحلة بتتلج في كل يوم.