هدى حداد، أخت فيروز وتوأم صوتها يلي ما انشهر!

إنتشر فيديو ع مواقع التواصل للمغنية هدى حداد، أخت فيروز وتوأم صوتها، حضروا هون: 

شو بتعرفوا عن هدى حداد؟ 

هدى أخت السيدة فيروز يلي تميّزت بصوتها العذب وحضورها الخجول. بتصغرها ب ٧ سنين، وكانت دايماً ترافق فيروز، إن كان بأدوار ثانوية ع المسرح أو باللقاءات. عندها مسيرة فنية ناجحة ولكن إنحصرت شهرتها بلبنان، وهي ما كانت تعمل حفلات ولكن بس تشارك فيروز بحفلاتها أو ع التلفزيون. 

التشابه بين هدى وفيروز ما كان بس بالشكل، ولكن كمان فيه تشابه كبير بالصوت، وهي أغلب أغانيها يلي غنّتها من الرحابنة. شوفوا هون تأديتها لأغنية “بيني وبينك”: 

مرة ردّت هدى بواحد من اللقاءات عن سبب شهرتها الأقل مقارنة بفيروز وقالت: “إذا أشرقت الشمس فإن نورها يغطي على النجوم”.

بمقابلة مع أنيس منصور، ردّت فيروز لما سألها عن مزايا وموهبة إختها هدى: “أختي بتغني الأغاني الخفيفة.. إلها لون خاص.. وما بتعمل حفلات، بتشترك معنا بس بحفلاتنا وبالتليفزيون“

الدعم والمحبة والصداقة كانوا عنوان علاقة هدى وفيروز ببعض. وهيك كان رأي هدى بابن إختها زياد الرحباني: 

مسيرة هدى الفنية: 

بلشت هدى حداد مسيرتها الفنية سنة  1959 بدعم من الرحابنة، و تعددت مواهبها بين الغناء، الرقص، التمثيل، وحتى تقديم البرامج.

مثلت بكتير مسلسلات وأفلام لبنانية أبرزها  مسلسل “أيام الدراسة”، ومسلسل من “يوم ليوم” للأخوين رحباني. بالسينما شاركت ب 3 أفلام “بياع الخواتم” و”سفر برلك” و”الزوجة المفقودة”. هيدا عدا عن  مسرحيات من أعمال الرحابنة، وشاركت مع فيروز كمان بأدوار ثانوية متل الغناء بمسرحية “ميس الريم” و”لولو” و”سهرة حب” ومسرحية “بترا”. 

 أما برامج تلفزيونية، كانت مقدمة البرنامج الغنائي  “دفاتر الليل” 1971، يلي كان بيتضمن اسكتشات غنائية، أغاني لفيروز، وعبّر البرنامج عن شخصيتها اللطيفة والمرحة. المزيد عند هدى ومسيرتها بمقال الجزيرة.نت هون. 

شوفوا كمان، حصري من ملكة الإحساس، إليسا تغني اسباني لأول مرة!