لقينالكن أهضم وأطيب محل Bubble Tea ببيروت!

Bopanda صار واحد من أهضم المحلات ببيروت! زاد من أجواء المرح بالمدينة، وصار محطة لكل عشاق البوبل تي أو الشاي مع bubbles. هيدا المشروب بحد ذاتو عالم تاني، كتار بيحبوه  لذيذ ومنعش بنكهات غنية و bubbles مهضومة. واليوم خلونا نخبركن عن زيارتنا ع Bopanda وشو مننصحكن تجربوا عندن! 

رح نخبركن عن تجربتنا وليه صار مقصدنا المفضل ببيروت! 

شو جرّبنا وحبّينا!

قررنا نجرب خيارين كتير مختلفين: Peach Juicy Bo وChocolate Lava Latte. صراحة، لما تكونوا هونيك رح يلفت نظركن الباريستا كيف عم يحضر البوبل تي! 

Peach Juicy Bo كان منعش عنجد، مع المزيج المثالي بين الحلاوة ونكهة الخوخ الغنية. أما Chocolate Lava Latte كان غني وكريمي—بصراحة حلم لكل عشاق الشوكولا. مننصح فيهن كتير!

مطرح كلو سعادة!

هالمحل رح يرسم البسمة ع وجكن، إن كان الديكور الملون أو الخدمة اللطيفة أو الأحاديث الحلوة مع الباريستا. هيدا غير مجسمات الأنمي يلي عندن والألعاب الممتعة!

مكان عنجد بتلاقوا فيه الرواق، الجو اللطيف، الناس الحلوة، والتسلية!

ولمحبي الأنمي، دايمًا في حلقات من الأنمي على الشاشة عندن، هيك تتفرجوا ع السريع!

شو مننصحكن تجربوا بعد؟

عندن كتير خيارات طيبة والباريستا ببوباندا بيساعدوكن تختاروا مشروب ع ذوقكن. هيدي هي المشروبات المفضلة عنا:

ريد فيلفيت لافا لاتيه

شاي الحليب بالفانيليا

باشن فروت جوسي بو

فيكن دايمًا تشوفوا المنيو تبعن هون لكل الخيارات الطيبة!

تأكدوا تابعوهن على إنستغرام! هنّي بيفتحوا كل يوم ما عدا الأحد من الساعة 11 الصبح لـ 9 المسا قدام بوابة LAU السفلية بقريطم.

شوفوا كمان، لقينالكن كافيه بنص زحلة بتتلج فيه كل يوم!