١٤ محل عم بقدموا بوفيه وغدا مميز نهار عيد الميلاد

إذا بعدكن ما قررتوا وين بدكن تحتفلوا بنهار عيد الميلاد، حضرنالكن لائحة بأحلى الأماكن بلبنان يلي عم تحضر غدا كريسماس بستايلات مختلفة، من بوفيه مفتوح للأكل اللبناني، وحتى ترفيه الأولاد. كل محل عندو شي مميز بيخليكن تحسوا بجو العيد صح!

١. Plage des Rois، جبيل

إذا عبالكن غدا عيد كامل متكامل، هالمحل عامل بوفيه ميلادي بـ35$ للكبار و20$ للأطفال. نهار 25 كانون، حضروا حالكن لتجربة غنية فيها محطات طبخ مباشرة، عروض مميزة للأطفال، وأجواء ميلادية بتاخد العقل!

الرقم: 051 810 71

٢. La’mouche Restaurant and Lounge، غسطا

نهار 25 كانون الأول، هالمحل محضرلكن يوم ميلادي ما بيتفوت مع مفاجآت مميزة وزيارة خاصة من بابا نويل. أكل بيشهي وأجواء بتاخد العقل، أكيد هالنهار رح يضل ببالكن لفترة طويلة!

الرقم: 120 964 03

٣. زهر التفاح، ميروبا

إذا بتحبوا النكهات اللبنانية الأصيلة ممزوجة بأجواء الكريسماس، هالمحل هو خياركن المثالي. نهار الأربعاء 25 كانون الأول، حضروا حالكن لغدا ولا أطيب مع أجواء فنية مميزة بيحييها الفنان رودي الراعي، يلي رح يضيف لمسة موسيقية بتخلي هاليوم ما بينتسى!

الرقم: 443 140 03

٤. The Black Oak، قلعيات

وجبة من 11 صنف بـ 25$ بس، سعر مناسب للعيلة كلها. هالمحل محضرلكن غدا ميلادي نهار 25 كانون الأول مع أجواء مليانة فرح، طعمة مميزة، وتجربة مستحيل تنسوها!

الرقم: 516 000 70

٥. Les Grandes Arcades، بكفيا

غدا ميلادي شامل مع بوفيه بـ 30$ على الشخص. هالمحل عم بحضر نهار مميز مليان أطباق بتشهي، مع ترفيه للأطفال وأجواء بتعيشكن فرح العيد عنجد. الأربعاء 25 كانون الأول، رح تكون تجربة ما بتنتسى لكل العيلة.

الرقم: 616 981 03

٦. وطا الصنوبر، بيصور

ما في أروع من غدا العيد يلي بيجمع بين الأكل الطيب والموسيقى الساحرة. نهار 25 كانون الأول، الفنان جوزيف سعادة رح يكون معكن ليضيف لمسة موسيقية بتكمل أجواء الميلاد بأحلى طريقة!

الرقم: 819 910 03

٧. Country Lodge Club and Resort، بصاليم

إذا بدكن تعيشوا أجواء ميلادية دافية، ما إلكن إلا هالمحل! نهار 25 كانون الأول الساعة 1 الظهر، محضرين بوفيه غني بأطيب الأطباق الميلادية. وبضيف على الأجواء حلا، بابا نويل والأقزام لي رح يسلوا الولاد ويزيدوا الفرحة!

الرقم: 233 499 71

٨. Coucou، كفرحباب

بوفيه ميلادي مميز بيجمع النكهات الطيبة بأجواء كلها فرح. بـ 33$ على الشخص و17$ على الولاد تحت عمر 9 سنين. هيدا المكان المثالي للعيلة تجتمع على الغدا الميلادي يوم 25 كانون.

الرقم: 255 744 71

٩. بنت الشلبية، جبيل

عيشوا أجواء العيد بأحلى طريقة مع غدا ميلادي مميز! بوفيه مفتوح، ترفيه خاص للأطفال، وأكلات لذيذة من تراث لبنان. بنت الشلبية هوي المكان اللي بيجمع بين الطيبة والترفيه نهار 25 كانون!

الرقم: 840 558 03

١٠. كببلكي، جبيل

بمناسبة عيد الميلاد (نهار 25 كانون) وراس السنة، كببلكي محضرلكن تجربة طعام ما بتتفوت! وجبات خاصة بهالمناسبتين بتميزها النكهات الأصيلة والأجواء الفخمة يلي بيعيشوكن فرح العيد بأجمل طريقة.

الرقم: 662 540 09

١١. Libre Resto Bar، كاسليك

احتفلوا بعيد الميلاد مع بوفيه مفتوح، محطات طبخ مباشرة، نبيد مفتوح، وأجواء مليانة بالفرح والترفيه المباشر نهار 25 كانون.

الرقم: 005 910 03

١٢. Serenity، زحلة

عبالكن غدا ميلادي مع تجربة بابا نويل يجي يوزع هدايا للولاد؟ هالمحل جاهز ليعيشكن أحلى أجواء يوم التلاتا 24 والتنين 23 كانون الأول. أكيد تجربة عائلية ولا أروع.

الرقم: 005 910 03

١٣. Streeh by Lamia، بريح الشوف

إذا بتحبوا الأجواء البيتوتية، غدا الميلاد هون محضر من حواضر البيت بكل فخامة وحب بـ 22$ على الشخص.

الرقم: 914 919 03

١٤. Red Deer Resto، بعبدا

إذا بدكن أجواء عائلية مميزة مليانة فرح وترفيه للأطفال، هيدا المكان مثالي. نهار الأحد 22 كانون، شاركوا بغدا ميلادي دافي بين العيلة والأصحاب، بجو بيجمع الفخامة والدفا.

الرقم: 923 990 05

اختاروا وين بتحبوا وتجهزوا لأحلى جمعة مع العيلة والأصحاب.

شوفوا كمان، أسعار حبشة العيد عند أشهر المحلات بلبنان لسنة 2024!