١٣ شغلة رح تسمعوها من رفقاتكن المغتربين هالموسم

شي طبيعي اللبنانية المغتربين يجوا ع لبنان وخاصةً بفترة الأعياد. لنضحك ونكت شوي، شوفوا ١٣ شغلة رح تسمعوها من رفقاتكن المغتربين هالموسم.

1. أوف، شو كل المطارح مفوّلة؟

مع النظرة تعيت مبين معكن مصاري وماشي الحال.

2. أوف ليه هلقد كل شي صار غالي

إنو ما معن خبر نحنا بأزمة وببلشوا يخبروكن بأسعار كل شي برا.

3. شو رأيكن نضهر هالأربعا ما عندي شي

كأنو ما حدن عندو شغل بنص الجمعة

4. يا ريت فيني ضل بلبنان

طيب، شو مانعك؟

5. نحنا عنا برا ما منعمل هيك ع الكريسماس

طوشة كل ضهرة

6. شو رأيكن نجيب شاورما

كل يوم بدن شاورما

7. بدنا نروح ع كل المهرجانات وأسواق الكريسماس هالسنة

8. والله كل شي هون غير

بيحبوا يذكرونا مية مرة

9. عنجد برا ما بيعرفوا يسهروا

هيدي بيذكرونا فيها ع أكتر

10. أي ساعة بتجي الكهربا

بيعملو حالن ناسين

11. شو تروحوا اليوم ع البترون؟ طب جبيل؟

وأنا مين بعبيلي بنزين؟

12. كيف صار لبنان يا حرام وين كنا ووين صرنا

منعرف، شكراً.

13. ليه هلقد تيكت الميدل ايست غاليين، ضليتني مدري أديه حتى لقيت حجز

ليه بتعملوا حالكن مصدومين كأنوا ولا مرة جايين ع لبنان؟

خبرونا، شو بعد بيقولوا رفقاتكن المغتربين كل كريسماس لما يجو؟ لتشوفوا محتوى العيد شوفوا قسم #كريسماس 2024 هون.