لأول مرة بلبنان، بوش دو نويل ع سمك السلمون!

مين قال البوش دو نويل بس للتحلاية؟ هالمحل الكايتربنغ Cookeria Catering قرر يغير اللعبة ويعمل بوش دو نويل بنكهة مالحة، وبالسلمون كمان! عم نحكي عن فكرة مش عادية ورح تخلي أي عشا أو غدا عالعيد تجربة ما بتنتسى.

البوش معمولة من سلمون طازة، مع مكونات بتدوب بالتم وكأنها لوحة فنية. منظرها بحد ذاتو فخم، واللون الأخضر عالوج بيضيف لمسة ملوكية. إذا كنتو بتحبوا السلمون أو حابين تقدموا شي جديد ومميز على الطاولة، هيدي الفكرة رح تسرق الأنظار.

قدي مهضومة الفكرة إنو تجيبوا بوش لحدا وتكون على سمك، يعني هالشي أكيد شي ما رح بيتوقعوا بحياتو وحتى في يكون أحلى هدية للسيكريت سانتا تبعكن، عم تتخايلوا شو معقول تكون ردة فعلو؟

تخايلوا عم بتقدموا بوش سلمون لضيوفكن، معقول حدا رح يتوقع هيك طبق؟ فكرة غير متوقعة رح تضيف لمسة إبداعية عالعيد، وخصوصي إنو المحل بقدم أطباق ميلادية تانية كمان، كلها بتاخد العقل!

العنوان: الدكوانة
الرقم: 500 698 01

عجبكن هيدا المقال عن بوش دو نويل ع سمك السلمون؟ شوفوا كمان، هيك أسعار البوش عند أشهر المحلات بلبنان هالسنة 2024!