خبرية حلوة، أجمل منتجع بصور رجع فتح أبوابه رغم كل شي!

بعد سنة من عدم الإستقرار بالبلد، و أكتر من 60 يوم من الحرب، أوبيرج دي تير L’Auberge de Tyr صار جاهز يستقبل ضيوفو مرة تانية ع مهرب وأوتيل بنص الطبيعة!

L’Auberge de Tyr قاعد ع تلة مع إطلالة على مدينتنا الحلوة صور، واليوم صار رمز للضيافة والرفاهية بالجنوب من وقت تأسيسه بالـ 2019.

هالأوتيل والمنتجع هو الوجهة المفضّلة لكتار من الناس يلي عبالن يحجزوا نهار أو تنين بعيد عن العالم. بيتميز بمزيج من الأجواء البيتوتية والفخامة الهادية يلي بيخليه وجهة خيالية لكل حدن عم يفتش ع مهرب من العجقة والشغل، خاصةً للعيل يلي بدن مساحة هادية ومريحة.

بتعرفوا إنو L’Auberge بلش بالأول كمكان للفروسية قبل ما يتحول لجوهرة فخمة للهروب من المدينة؟ بالإضافة للخيل اللي عندن، هالمحل الحلو صار بيقدم 20 خيار للإقامة، و6 مسابح، منتزه حيوانات، ومطعم كمان.

بالرغم من كل الظروف القاسية يلي مرقوا فيها أهل الجنوب، عم يرجعوا الحياة شوي شوي ع ضيعن ومدنن. لؤوبيرج دي تير هو واحد من المطارح يلي تحدّت الظروف ورجعت فتحت من جديد، واليوم واقف كرمز للقوة والصمود.

للمزيد من المعلومات، تأكدوا من زيارة الموقع الإلكتروني وإنستغرام. للحجوزات، تواصلوا على 233 339 71 . خلّينا ندعم هالأماكن المحلية ونساعد بإعادة بناء مدننا.

إذا حبيتوا هالمقال، ممكن يعجبكن كمان:20 مطعم بالنبطية رجعوا فتحوا أبوابن من جديد!!