غرامكن الشوكولا؟ ١٥ محل لتتلذذوا بفنجان كاكاو سخن بلبنان

مع الشتوية وأجواء عيد الميلاد بلبنان، كلنا بيخطر عبالنا فنجان دافي من الشوكولا السخنة! وفيه كتير أماكن بتقدّم شوكولا سخنة غنية مع كريمة، مارشميلو، أو حتى نكهات متل القرفة والبهارات. إذا عبالكن تعرفوا وين فيكن تتلذذوا بفنجان كاكاو سخن أو هوت شوكلت حول لبنان، كفوا المقال معنا!

وين فيكن تجربوا شوكولا سخنة أو هوت شوكلت بقلب بيروت؟

1. Fresca Dolce، الجميزة

محل بيقدم حلويات إيطالية شغل إيد، وبيقدموا مشروب الكاكاو الساخن مع كريمة ورشّات شوكولا ع الوجّ!

الرقم: 073 023 81

2. Moon’s، الجميزة

بس هيدا الكريسماس بتلاقوا عندن مشروبات مميزة للعيد متل شوكولا سخنة مع peppermint وموكا مع مارشميلو. 

3. SmushKies، مار ميخايل والبترون

هالمحل المهضوم عندو أطيب بوش ع العيد، كوكيز، ومعروف ب Chocolate bombs يلي بيدوبوا بقلب فنجان الشوكولا سخنة!

الرقم: مار ميخايل 871 827 81 – البترون 878 828 81

4. كافيه يونس، فروع كافة

هالكافيه المحبوب مش بس عندو قهوة مختصة طيبة، بس كمان شوكولا سخنة مع سينامون رول. 

5. Neighbourhood، الجميزة 

إختاروا عند هالكافيه المهضوم بين الكاكاو السخن مع رغوة ورشة شوكولا أو مع مارشميلو! 

الرقم: 184 446 01

6. Sip، الجميزة

فنجان من الكاكاو السخن مع قعدة زهر، في أهضم من هيك؟ 

وين فيكن تجربوا شوكولا سخنة أو هوت شوكلت برات بيروت؟

7. Haven The Cabin، جبيل 

كافيه عندو قعدة مكنكنة ومشروب الكاكاو السخن، جربوا مع أصحابكن هالشتوية!

الرقم: 157 576 76

8. Ours Cafe، زحلة

بتصدقوا فيه كافيه بلبنان بتتلج عندو كل يوم ع الساعة 8 بالليل؟ ومش بس هيك، مع زينة الميلاد ودبدوب الشوكولا والمارشميلو يلي بيدوب بقلب فنجان الكاكاو، يعني كتير رح تنبسطوا!

الرقم: 238 394 03

9. سكر نبات، عمشيت

مش بس عندو هوت شوكلت، بس كمان حلويات معمولة من غزل البنات وبسكويت الغندور وقصص كتير طيبة. 

10. Unicorn Coffee House، برمانا

من أحلى المحلات يلي فيكن تزوروها كل كريسماس بلبنان! إطلبوا فنجان كاكاو سخن مع مارشميلو، ومزمزوا فيه جنب شجرة الميلاد!

الرقم: 966 822 71

11. Ahwak Community، طرابلس

محل مهضوم بطرابلس فيكن تدوقو عندو فنجان شوكولا سخن مع مارشميلو دايب ع الوج!

12. Leaf، البترون

كلنا منعرف إنو سوق البترون المكان المثالي وقت الكريسماس! جربوا عند ليف فنجان شوكولا سخن مع حلويات ميلادية بتاخد العقل!

13. Green’s، صيدا

لكل حدن غرامو الحلو،  لازم تدوقوا فنجان الكاكاو السخن من الشوكولا البلجيكية عند غرينز بصيدا!

الرقم: 355 755 07

14. Coffee Station، طرابلس

كوفي ستايشن عندو شوكولا سخنة، كريمي وطعمها غني مع مارشميلو من فوق!

الرقم: 489 779 71

15. Dreamers Bookshop Cafe، الجديدة

إنبسطوا بفنجان كاكاو سخن مع مخبوزات طازة وكتاب ممتع عند هالكافيه اللطيف بالجديدة! إختاروا بين الكريمة أو المارشميلو ع الوج!

شوفوا كمان، أحلى أسواق الميلاد حول لبنان لسنة 2024