من بعلبك ع بيروت، صفيحة أصيلة مع لبن رغوة هون!

الصفيحة ما بتطلع طيبة إلا من تحت ديّات أهل بعلبك!

أبو محمد إجا من بعلبك ع قلب بيروت وفتح فرن “صفيحة ولبن” ليقدملكن صفيحة بعلبكية ع الطريقة الأصيلة! هو صرلو ٤٠ سنة بالمصلحة، محلو ع طريق المطار، ببير الحسن، عبارة عن فرن، ملحمة، وكمان سناك بمطرح واحد.  

أول شي لازم تجربوا عندو هي الصفيحة البعلبكية، عنجد أكلة! اللحمة طيبة ومن عندو، العجينة معمولة بالفرن بكل شطارة، مع خلطة بهارات ع طريقتو. كل لقمة أطيب من التانية، مع دبس رمان وعصرة حامض وشوية حرّ. وأكيد ما تنسوا تجربوها مع كباية لبن عيران مع رغوة، ع طريقة أهل بعلبك! 

بتلاقوا عندو معجنات متنوعة وخاصةً اللحمة بعجين، عدا عن ترويقة بلدية بعلبكية بتشهي، وبيعمل مشاوي لحمة وبيقدم طبلية لحمة وكبة نية طازة بتشق القلب وريحتها روعة. هيدا كلو وكمان عندو شاورما دجاج ولحمة! 

ميلوا عند فرن “صفيحة ولبن” الأصيل إن كان ع الترويقة أو الغدا لتجربة بعلبكية ع أصول أصولها!

خبرونا بالتعليقات، مين رح تعزموا ع أطيب صفيحة ولحمة بعجين؟

للمزيد من المعلومات أو الطلب، اتصلوا على الأرقام التالية: 888 649 70 – 676 327 03 –

 785 456 01. بتلاقوا الفرن تحديداً بشارع فانتازي لاند، بير الحسن، طريق المطار. ما تنسوا تابعوا حسابن ع الإنستغرام هون.

شوفوا كمان، ترويقة بعلبكية غير شكل عند إم عدنان