دليل أبرز مهرجانات كريسماس بضيع لبنان لسنة 2024

وين بتلاقوا أجواء الميلاد الساحرة هالسنة؟ شوفوا هالمهرجانات الميلادية بضيع لبنان، لكل اللي بحبوا الاحتفالات والأجواء الميلادية الحلوة. من الضيع للمدينة، النشاطات الميلادية معباية كل لبنان، وهاي فرصتكن تحضروا مهرجانات كريسماس وعروض ما بتنتسى، وتستمتعوا بالسوق الميلادي وبأجمل الزينة.

١. القبيات

هالميلاد، مؤسسة إنسان عم تقدملكن The Christmas Factory 2024 بمعمل الحرير بالقبيات! من 20 لـ 25 كانون الأول، مع عروض مباشرة يومية، نشاطات حلوة للأطفال، وحرفيات بتعبي القلب فرح وسحر. ما في أحلى من تعيشوا أجواء الميلاد بأجواء القبيات المميزة!

الرقم: 041 103 79

٢. عين دارة

تجمع سيدات عين دارة محضرين شي مهضوم لعيد الميلاد وراس السنة، حفلة مميزة رح تصير ببلدية عين دارة نهار السبت 21 كانون الأول الساعة 1:30. برنامج الحفلة بيجمع كل العيلة، والأطفال إلن حصة كبيرة مع تسلاية وفرح ما بيتفوّت.

الرقم: 016 220 05

٣. العبادية

مهرجان “كرمالك يا العبادية” رح يضوي العبادية من 18 لـ 22 كانون الأول. أجواء مليانة نشاطات ميلادية وعروض بتعبي شوارع البلدة بالفرح، فرصة لتمضوا وقت مميز مع الأصحاب والعيلة.

الرقم: 71 780 318

٤. Christmas by the Lake، بنشعي

بنشعي متل كل سنة ناطرتكن لعيشوا أجواء الميلاد المجيدة. من 12 كانون الأول ل12 كانون التاني، فيكن تستمتعوا بسوق تجاري كبير، كيوسكات أكل، سياحة بيئية ودينية، وألعاب للأطفال. ومش بس هيك، رح يكون في مسرحيات ميلادية مميزة على ضفاف بحيرة بنشعي، والدخول مجاني للكل.

الرقم: 020 908 76

٥. Collège des Frères Deddeh، دده الكورة

السوق الميلادي بـ Collège des Frères Deddeh- Koura رح يكون بـ17 و18 كانون الأول من الساعة 8 الصبح لـ 5 بعد الضهر. تسلية لكل أفراد العيلة مع ألعاب ،رسم ع الوجّ، صور مع بابا نويل، زينة خيالية، وكيوسكات أكل وهدايا.

الرقم: 400 415 06

هالميلاد، لبنان كلو رح يكون ضحكة وفرح. ما تفوتوا فرصة تستمتعوا بهالأجواء الميلادية الرائعة!

حبيتوا هيدا المقال؟ تابعونا على قسم #كريسماس 2024 لتشوفوا أخبار ونشاطات العيد!