إخترنالكن أحلى هدايا العيد بلبنان هالسنة

عم تفتشوا على الهدية المثالية بموسم الأعياد؟ سواءً كنتوا عم تشتروا لشخص غالي ع قلبكن، صديق، أو زميل، نحن مجهزينلكن دليل الهدايا الأفضل ليخلي تجربة التسوق أسهل عليكن هالشهر. من الماركات والمنتجات المحلية للهدايا المرتبة، هيدا دليل هدايا العيد الوحيد يلي رح تحتاجوه بهالموسم.

هدايا العيد للشباب:

1. قطعة تياب إستثنائية من أيجيس

ماركة الأزياء المحلية Aegis Clothing Collection بتقدملكن الهدية المثالية للعيد. قطعن العصرية والمميزة مش بس جذابة وفريدة، بس كمان معمولة بكل دقة واهتمام للتفاصيل، ورح تكون إضافة مميزة لخزانتكن. الماركة بتتبع مفهوم حلو، مستوحى من الأساطير اليونانية، درع Aegis يلي كان مع زيوس، ويلي بيمثل رمز القوة والحماية.

هيدا بيعكس مهمة الماركة بتمكين الأفراد من خلال الموضة. المجموعة بتقدّم تشكيلة من القطع الجريئة والخالدة اللي بتجمع بين التصاميم اللافتة والعملية، وبتخليها مثالية للحظات التميز وكمان للضهرات اليومية.

للطلب، فيكن تتواصلوا معن عبر الإنستغرام أو الواتساب على 617 566 03 أو فيكن تزوروا فرعن الجديد ب ABC ضبية – الطابق الأول By the Roots!

2. قطع من الجلد الأصلي من Number41

نجحت ماركة Number41 بصنع قطع من الجلد الأصلي يلي صراحةً من أفضل الهدايا! هيدا الجاكيت الجلد المرتب والشنطة المتعددة الاستخدامات هني مزيج من الأناقة والراحة!

للطلب، فيكن تتواصلوا معن عبر رسايل الإنستغرام أو واتساب على الرقم 238 022 70 . تأكدوا إنكن كمان تشوفوا الموقع .

3. صباط من الجلد الأصلي من سكوير فور من

مجموعة الشتوية من سكوير فور مين مصممة بعناية، فاخرة، وكتير مريحة. بتشمل القطع تبعن ملابس يومية و رسمية.

للطلب، تأكدوا من زيارة الموقع الإلكتروني الخاص فيهن. فيكن تروحوا تزوروهن كمان بمحلن بجل الديب.

4. هيدي مجموعة الهدايا من فيرساتشي من عند SBRANDS

هالريحة بتقدم لمسة جديدة للعطور الرجالية الكلاسيكية، بتمزج بين النفحات اللي ما بتروح موضتها لتخلق ريحة خفيفة، منعشة، وفريدة من نوعها ما بتنتسى. SBRANDS هو سيفورا لبنان، يعني طمنوا بالكن كل منتجاتن أصلية مية بالمية!

فيكن تطلبوا من موقع SBRANDS هون.

5. أجمل التحف القديمة من SUMO

إذا كانوا بيحبوا الاشيا العتيقة والمميزة، يمكن قطعة مميزة من SUMO تكون الهدية المثالية. خصوصًا إذا كانوا عم بيدوروا على قطع لتزين بيتن! بتلاقوا أنتيكا، قطع عتيقة، فن، ديكو، كل شي متوفر عندن!

فيكن تشوفوا مجموعتن على إنستغرام. تواصلوا معن من خلال DMs لحتى تطلبوا.

6. خواتم تصميم بصمة إلو وإلكن من The Lydd

بيعملوا خواتم ع شكل بصمتكن، فيه أهضم من هيك هدية بتحتفظوا فيها عطول؟

فيكن تزوروا المحل تبعهن بالجديدة، أو تتسوقوا من الموقع الإلكتروني تبعن.

7. أجمل القصص اللبنانية من Luanatic

هيدا المحل المهضوم بالأشرفية معروف بمنتجات مهضومة جايي من القصص اللبنانية الحلوة. كلسات مهضومة، شنتات قماش مطبوعة، وكلو عليهن عبارات لبنانية. كم شغلة من لوناتيك رح يكونوا هدية كتير مهضومة.

بتلاقوا المحل بالأشرفية أو فيكن تشتروا أونلاين من هون.

8. هيدي المجموعة المميزة من Book Addicts

هدية مميزة لكل محبي الكتب، خاصةً إذا بلشوا يحضروا ليستا القراية ل 2025!

فيكن تزوروا المحل بزلقا وجناح، أو تطلبوا عبر الواتساب على 211 291 71.

9. ساعة جديدة ومرتبة من INÉDIT

INÉDIT عندن مجموعة روعة من الساعات، الأساوير، السناسيل، والحلق للشباب!

لتشتروا أونلاين، اكبسوا هون. فيكن كمان تزوروا محلاتن بـ ABC فردان، ضبية، والاشرفية.

10. سماعة جديدة من AYOUB Computers

إذا كنتو عم تفتشوا على سماعات للألعاب أو سماعات عادية للاستعمال اليومي، أيوب عندو تشكيلة مميزة فيكن تختاروا منها. الأسعار عندن بتناسب كل الميزانيات، الغالي والمقبول.

إكبسوا هون للتسوق!

11. أدفى Hoodie بيروت من Beirut.com

هيدا الهودي هو الهدية المثالية هالشتوية، متوفر بالرمادي الغامق والكحلي! عليه تصميمنا لكلمة بيروت ‘Beirut’ بالإنكليزي أو بالعربي. مصنوع من قماش ناعم وعالي الجودة، مرتب ومريح بنفس الوقت!

اكبسوا هون لتطلبوا الكنزة بالإنكليزي، أو هون بالعربي.

12. إسطوانة فينيل ع ذوقكن من Off The Record

إسطوانة فينيل مستوحاة من الفنان أو الغنية المفضلة عندن، أديه مهضومة هالهدية؟

الطلب عبر إنستغرام!

هدايا العيد للبنات:

13. سيشوار لتصفيف الشعر من فيفا بيوتي

VIVA Beauty هو سيشوار 3in1 لتصفيف الشعر متعدد الإستعمالات، بيعطيكن تمويجات شعر مثالية وكأنكن طالعين من الصالون من دون ما تتكلفوا شي.

حالياً عليها حسم، تسوقوا هون.

14. طقم هدية 100% حرير من سليك

هالطقم الحرير بيضم ربطة شعر، ماسك للعيون، وغطا تكاية من الحرير! الهدية المثالية للبنت يلي بتحب تهتم بحالها. متوفرة بألوان الشامبين، الرمادي، والزهر، وهلق عليها sale بمناسبة الأعياد.

إكبسوا هون لتحصلوا ع منتجاتن العالية الجودة.

15. أروع موديلات التياب القديمة من Nouvelle Vague

نوفيل فاج هو المحل اللي لازم تزوروه إذا بتحبوا موديلات الأزياء القديمة والكلاسيكية، رح بتلاقوا كل ماركاتكن المفضلة عندن.

تواصلوا معن عبر إنستغرام للمزيد!

16. إكسسوارات كتير حلوة من Z E N O B I E

شوفوا دليل الهدايا المفصل تبعهن! هالمحل اللي بيبيع هدايا عندن شغلات مهضومة كتير، متل فناجين و شنتات توت ونوتبوكات وغيرها.

فيكن تزوروا محلن بمار مخايل، أو تطلبوا عبر موقعن.

17. هالطقم من Sol De Janeiro من عزت داعوق

أجمل هدية لأي وحدة بتحب عطور الجسم، وخاصة من هيدي الماركة المحبوبة!

هالمنتج متوفر أونلاين أو بكل فروع عزت الداعوق.

18. أجمَل الدفاتر الصديقة للبيئة من Piece Of Soul

هالدفاتر مش بس قابلة لإعادة التدوير، كمان عليهن طبعات فريدة من نوعها! إذا عندكن رفيقة بتحب تكتب، أكيد رح تحب هالهدية.

شوفوا إنستغرام تبعن للمزيد!

19. باقة شموع خيالية من Lightandle

إذا كنتوا عم بتدوروا على أفخم الشموع اليدوية، لازم تشوفوا باقات ورود مصنوعة بالكامل من الشموع! فيكن تشوفوا القوالب التانية المميزة اللي عندن على إنستغرام.

20. أساسيات للشتوية من Your Closet

من الكنزات الدافية للقطع الشتوية الكلاسيكية، لازم تكون خزانتكن فيها كل الضروريات يلي بتحتاجوها. يور كلوزت عندن تياب جودتن عالية وفيكن تنسقوها بأكتر من طريقة.

شوفوا مجموعتن على إنستغرام.

21. أحلى وأجمل ديكورات من Le Conc7pt

هالمحل الفريد من نوعو عنده تشكيلة واسعة من الديكورات الفريدة والملونة يلي رح تبهر أي وحدة.

فيكن تشتروا عبر الواتساب عالرقم 460 952 78، أو تزوروا محلاتن ب فردان، ضبية، و البترون.

22. طقم الرياضة للتمرين/بيلاتس من كاوس

أريح طقم رياضة مصنوع من قماش ناعم وعالي الجودة. عندن كتير من القصات والألوان الحلوة للاختيار منها.

تسوّقوا المجموعات من الموقع الإلكتروني!

23. إكسسوارات مميزة من LūLū Beirut

اكسسوارات شعر، وردات زغيرة، حلق مدور، و شالات من الصوف – كل شي عندن. فيكن كمان تشتروا رزنامة العيد لـ2024، يلي فيها أغراض بقيمة 132 دولار.

شوفوا إنستغرام تبعن للمزيد!

عبالكن تزيدوا منتجاتكن على دليل هدايا العيد عنّا؟ خبرونا! تواصلوا معنا عبر الرسائل على إنستغرام.

شوفوا كمان، أحلى أسواق الميلاد حول لبنان لسنة 2024