٢١ مطعم بالنبطية رجعوا فتحوا أبوابن من جديد!

بعد ما مرّت مدينة النبطية بظروف صعبة جراء الحرب، بلشت ترجع تعيش من جديد وتستعيد عافيتها. هالفترة، فتحت كتير من المحلات يلي كانت مسكرة أبوابها، لتكون شهادة على صمود هالمدينة وقدرتها على تخطي الصعاب. هيدا الدليل رح ياخدكن على 21 مطعم  ب النبطية فتحت أبوابها من جديد، وهني جزء من عملية إعادة إحياء المدينة وأسواقها! 

1. حلويات الشرق، حبوش والنبطية

واحد من أشهر محلات الحلو بالنبطية كلها! مش بس عندن حلويات كمان ترويقة، بيتزا إيطالية، وباغيت بمختلف الطعمات!

الرقم: 584 558 70 – 264 246 81

2. مطعم السنابل، كفررمان

مطعم لبناني محبوب من 1996، عندو وحدة من أشهى الفراكة والملسة بالجنوب!

الرقم: 161 767 07 – 819 919 71

3. فلافل الأرناؤوط أشرف البريمو، حي الميدان النبطية

من أشهر وأقدم محلات الفلافل بالجنوب، عندو إختراعات بالفلافل بتشهي!

4. Eat Vite – فرع زبدين وفرع طريق النبطية – مرجعيون

كل أهل النبطية بيحبوا مطعم Eat Vite، رجع فتح بفروعو وناطركن على أطيب الأكل اللبناني والعالمي.

الرقم: 775 540 71 – 202 761 07

5. مطعم بيت الكل، دوار كفررمان

بتلاقوا عند مطعم بيت الكل أكل شرقي وعالمي بيناسب كل الأذواق، واليوم رجع فتح!

الرقم: 934 373 03

6. Perfetto Pizzeria، النبطية

هالمطعم الإيطالي بيعمل بيتزا ع الحطب وباستا غير شكل، واليوم صار فيكن ترجعوا تجربوا بفرعو بالنبطية!

الرقم: 256 209 03 – 967 769 07

7. Choco Sushi، النبطية

كافيه كتير مهضوم بالنبطية، زوروا اليوم ودوقوا قهوة غير شكل!

8. Jamaica Hotdog، كفررمان قبل محطة غبريس

محل الهوت الدوغ المفضل عند الكل بالنبطية رجع فتح!

الرقم: 774 649 71

9. Coffeeholic، شارع الصباح

عندن حلويات شغل إيد وقهوة غنية لازم تجربوها من بعد ما فتح!

10. فتايل، كفررمان

محل الفتايل الوحيد بالنبطية فتح وناطركن ع أطيب سندويشات!

الرقم: 050 807 03

11. Resto Ventus، كفررمان

مطعم إيطالي متخصص بأطيب بيتزا ع الحطب، متل البيتزا المطوية!

الرقم: 854 816 03

12. مطعم المحطة، النبطية

كتار منّا اشتاقوا لشاورما المحطة، واليوم أخيراً صار فينا نرجع ندوقها!

الرقم: 263 763 07

13. مطعم فيروز، حبوش وحاروف

إذا عبالكن دجاج بروستد، مطعم فيروز ناطركن بفروعو بالنبطية، إن كان بحاروف أو حبّوش!

الرقم: 947 787 81 – 492 975 76

14. Elysium، زبدين

القعدة بين شجر الزيتون مع اللقمة الإيطالية بتلاقها بس عند Elysium بالنبطية زبدين!

الرقم: 940 909 70

15. بس شاورما، أوتوستراد كفررمان باتجاه مرجعيون

شاورما ع الفحم بمختلف ع أنواعها ناطرتكن عند مطعم بس شاورما!

الرقم: 654 761 07 – 862 125 79

16. صاج وما صاج، دوار كفررمان

مطعم صاج وما صاج أخيراً فتح وجاهز يستقبلكن ع أطيب ترويقة!

الرقم: 396 021 03

17. مطعم ليالينا، النبطية طريق عام شوكين

مطعم ليالينا فتح ورح يستقبلكن متل العادة ع الأكل اللبناني، العالمي، السناكات، والحلويات!

الرقم: 858 768 07 – 399 814 78

18. حلويات السلطان، النبطية كفرجوز

بالرغم من الدمار يلي تعرضلو حلويات السلطان، رجع ع النبطية ومعو أشهى الحلويات يلي تعودنا عليها!

الرقم: 350 532 07 – 719 695 76

19. Burgero، النبطية (قريباً)

أطيب محل برغر راجع قريباً ع النبطية مع عروضات قوية وأكل بيشهي!

الرقم: 622 633 70

20. Chez Wassim Fine Dining، كفررمان (قريباً)

المطعم الوحيد يلي عندو تجربة Fine Dining بالنبطية، والشيف وسام ناطركن قريباً لتدوقوا الستيك والبيتزا الإيطالية من تحت إيدو!

الرقم: 777 624 71

21. Cafe Local، نيو تاون سنتر النبطية

كافيه مهضوم مع قعدة رايقة وديكور ملون ومشروبات طيبة. قريب ع حي الجامعات وعندو قعدة حلوة للشغل أو للدرس.

خبرونا، شو بتعرفوا بعد مطاعم ومحلات رجعت فتحت بالنبطية؟

شوفوا كمان، ١١ مطعم فتح وراجع ع قلب الضاحية!